Դիաբետիկ կետոացիդոզ

Դիաբետիկ կետոացիդոզ
Անգլերեն անվանումը՝ Diabetic Ketoacidosis

Դիաբետիկ կետոացիդոզը շաքարային դիաբետի ծայրահեղ ծանր բարդրություն է, որը պահանջում է անհետաձգելի բուժօգնություն։

Այս վիճակի պատճառը ինսուլինի անբավարար լինելու պայմաններում արյան գլյուկոզի բարձրացումն է և, հակառակ դրան, բջիջներում գլյուկոզի դեֆիցիտը։

Ինսուլինի հիմնական դերը արյան գլյուկոզը դեպի բջիջները տեղափոխելն է և բջիջների կողմից դրա յուրացումը։ Դիաբետի ժամանակ, երբ ենթաստամոքսային գեղձում պահանջվածից ավելի քիչ ինսուլին է արտադրվում կամ արտադրված ինսուլինը արագ քայքայվում է, գլյուկոզը չի հասնում բջիջներ։ Նման պայմաններում բջիջները որպես էներգիայի աղբյուր սկսում են օգտագործել ներքին ճարպի պաշարները, որի արդյունքում առաջանում են այսպես կոչված կետոններ (ացետոն)։

Կուտակվելով օրգանիզմում և արյան մեջ հասնելով ինչ-որ սահմանային մակարդակի, կետոններն առաջ են բերում օրգանիզմի ջրազրկում, շփոթված վիճակ, իսկ չբուժվելու դեպքում՝ նաև հանգեցնում մարդու գիտակցության կոմատոզ մթագնման։

Կետոացիդոզը սովորաբար զարգանում է 1-ին տիպի դիաբետով մարդկանց մոտ։ 2-րդ տիպի դիաբետով մարդկանց մոտ կետոացիդոզ միայն եզակի դեպքերում է զարգանում։

Դիաբետիկ կետոացիդոզի նշաններն են՝

  • արյան ճնշման բարձրացում
  • մեզում կետոնների առկայություն (մեզից ացետոնին բնորոշ հոտ)
  • շնչառության հաճախության և խորության բարձրացում
  • այտերի կարմրություն
  • անորոշ որովայնային ցավեր
  • արտաշնչվող օդի ացետոնին բնորոշ հոտ
  • փսխումներ
  • ջրազրկում և ջրազրկմանը բնորոշ նշաններ։

Դիաբետիկ կետոացիդոզը լուրջ վիճակ է, որը պահանջում է անհետաձգելի բուժօգնություն։

Եթե դուք ունեք դիաբետ և ձեր արյան գլյուկոզի մակարդակն իր կայունացած թվերից «ցատկել է» դեպի ավելի բարձր ցուցանիշներ, այդ մասին տեղեկացրեք ձեր բժշկին։ Կարծում ենք, ձեզ օգտակար կլինի նաև ծանոթանալ հիերգլիկեմիայի (արյան բարձր գլյուկոզի) թեմային։

Հոդվածը վերանայվել է՝ 25-05-2019