Դիաբետիկ կետոացիդոզ

Դիաբետիկ կետոացիդոզը շաքարային դիաբետի ծանր բարդրություն է, որն առաջանում է, երբ ձեր օրգանիզմն արտադրում է կետոններ կոչվող թթուների արյան բարձր մակարդակներ։

Դիաբետի այս բարդությունը զարգանում է, երբ ձեր օրգանիզմն անկարող է արտադրել բավարար ինսուլին: Նորմայում ինսուլինն ապահովում է շաքարի (գլյուկոզ)` որպես մկանների և մյուս հյուսվածքների էներգիայի գլխավոր աղբյուրի մուտքը բջիջներ: Բավարար ինսուլինի բացակայության պայմաններում ձեր օրգանիզմը սկսում է որպես էներգիայի աղբյուր օգտագործել՝ տրոհել ճարպերը, որի արդյունքում կետոններ կոչվող թթուները սկսում են կուտակվել արյան մեջ՝ բուժման բացակայության պայմաններում ի վերջո հանգեցնելով դիաբետիկ կետոացիդոզի:

Ավելի պարզ ասած, ինսուլինի բացակայության պայմաններում գլյուկոզը չի հասնում բջիջներ, և վերջիններս որպես էներգիայի աղբյուր սկսում են օգտագործել ներքին ճարպի պաշարները, որի արդյունքում էլ առաջանում են կետոններ (ացետոն)։

Կուտակվելով օրգանիզմում և արյան մեջ հասնելով ինչ-որ սահմանային մակարդակի, կետոններն առաջ են բերում օրգանիզմի ջրազրկում, շփոթվածություն, իսկ չբուժվելու դեպքում՝ նաև հանգեցնում գիտակցության կոմատոզ մթագնման։

Կետոացիդոզը սովորաբար զարգանում է 1-ին տիպի դիաբետով մարդկանց շրջանում, իսկ 2-րդ տիպի դիաբետով դիաբետով մարդկանց մոտ կետոացիդոզ զարգանում է միայն եզակի դեպքերում։

Եթե ունեք դիաբետ կամ դիաբետի զարգացման ռիսկ, ճիշտ կլինի սովորել դիաբետիկ կետոացիդոզի նախազգուշացնող նշանները և իմանալ, թե երբ է պետք դիմել անհետաձգելի բուժօգնության:

Եթե ունեք դիաբետ և ձեր արյան գլյուկոզի մակարդակը «ցատկել է» ավելի բարձր ցուցանիշներ (կոչվում է հիերգլիկեմիա), առանց հետաձգելու այդ մասին տեղեկացրեք ձեր բժշկին։

Հոդվածը վերանայվել է՝ 05-05-2021