Ախտանիշներ - Ուսի հոդախախտ

Ուսային հոդի հոդախախտի հիմնական ախտանշաններն են ուսահոդի ցավերը և անկայունությունը։

Ուսային հոդախախտի ախտանիշները կարող են ներառել՝

• տեսանելի ձևափոխված կամ տձևացած (դեֆորմացված) կամ տեղից դուրս գտնվող ուս
• այտուց կամ արյունազեղում
• ուժեղ ցավ
• հոդը շարժելու անկարողություն:

Ուսահոդի հոդախախտը նաև կարող է առաջացնել վնասվածքի տեղում, օրինակ՝ նույն կողմի պարանոցի կամ թևատակի շրջանում թմրածություն, թուլություն կամ ծակծկոցներ: Ուսի մկանները կարող են կծկվել (սպազմ), որը կարող է մեծացնել ցավը:

Ե՞րբ դիմել բժշկին

Անմիջապես դիմեք բժշկական օգնության համար, եթե կարծում եք, որ ձեր ուսային հոդը խախտվել է:

Բժշկական օգնության սպասելիս հետևեք այս խորհուրդներին:

• Մի՛ շարժեք հոդը. անշարժացրեք կամ բինտով ամրացրեք ուսային հոդն այն դիրքում, որում գտնվում է: Մի՛ փորձեք շարժել ուսը կամ փորձել այն ետ հրել իր տեղը: Սա կարող է վնասել ուսահոդը և շրջակա մկանները, կապանները, նյարդերը կամ արյունատար անոթները:
• Սառույց դրեք վնասված հոդի վրա. սառույցը դրեք վնասված ուսին, որը կօգնի ցավի ու այտուցի մեղմացմանը: