Առողջ չափահասների մեծ մասը E. coli հիվանդությունից ապաքինվում է մեկ շաբաթվա ընթացքում:
Որոշ մարդկանց, հատկապես մանկահասակ երեխաների և մեծ տարիքով չափահասների մոտ կարող է զարգանալ երիկամային անբավարարության կյանքին սպառնացող ձև, որը կոչվում է հեմոլիտիկ ուրեմիկ համախտանիշ:
Այս հիվանդությունն ընթանում է արյան բջիջների ախտահարմամբ և երիկամների գործունեության խանգարմամբ, որն էլ հանգեցնում է երիկամային անբավարարության:
Հեմոլիտիկ ուրեմիկ համախտանիշի նշաններից են՝
- ջրազրկում (դեհիդրատացիա)
- միզարձակության կրճատում (օլիգուրիա կամ բացակայություն՝ անուրիա)
- քնկոտություն
- մաշկի գունատություն (անեմիայի պատճառով)
- մաշկի և աչքերի դեղնավուն երանգավորում (դեղնուկ)
- այտուցներ՝ օրգանիզմում ջրի պահման հետևանքով
- ցնցումներ:
Հոդվածը հրապարակվել է՝ 22-03-2021
Վերջին վերանայում՝ 04-04-2024