Աղիքային ցուպիկ. բուժում

1 րոպե

Աղիքային ցուպիկով (E. coli) առաջացած հիվանդության դեպքում ոչ մի ժամանակակից բուժում չի կարող բուժել վարակը, թեթևացնել ախտանիշները կամ կանխել բարդությունները:

Մարդկանց մեծամասնության համար բուժումը ներառում է՝

• հանգիստ
• հեղուկներ, որոնք օգնում են կանխելու ջրազրկումը և հոգնածությունը:

Խուսափեք հակալուծային դեղամիջոցներ ընդունելուց. դրանք դանդաղեցնում են ձեր մարսողական համակարգի ներքև ուղղված գալարակծկումները՝ թույլ չտալով ձեր օրգանիզմին, որ ազատվի բակտերիաների տոքսիններից: Հակաբիոտիկներն ընդհանուր առմամբ խորհուրդ չեն տրվում, քանի որ դրանք կարող են մեծացնել լուրջ բարդությունների ռիսկը և, ըստ երևույթին, չեն օգնում վարակի բուժմանը: Սովորաբար մարդկանց մեծ մասն առանց որևէ դեղամիջոցի լավանում է 5-10 օրվա ընթացքում:

Եթե ունեք E. coli-ի լուրջ վարակ, որն առաջացրել է երիկամային անբավարարության կյանքին սպառնացող ձև (հեմոլիտիկ ուրեմիկ համախտանիշ), ձեր բուժումը կկազմակերպվի հիվանդանոցում: Նման դեպքերում բուժումը ներառում է ներերակային հեղուկներ, արյան փոխներարկում և երիկամային դիալիզ: