Որոշ մարդկանց մոտ ատոպիկ դերմատիտը կամ էկզեման կապված է գենային փոփոխության (մուտացիայի) հետ, որն ազդում է մաշկի պաշտպանունակության վրա:
Ունենալով թուլացած պատնեշային (բարիերային) ունակություն, մաշկն ավելի քիչ կարող է պահպանել խոնավությունը և պաշտպանել մաշկի ավելի խորը շերտերը բակտերիաներից, գրգռիչներից, ալերգեններից և միջավայրային այլ գործոններից, ինչպիսին է ծխախոտի ծուխը:
Այլ մարդկանց մոտ ատոպիկ դերմատիտն առաջանում է մաշկի վրա ոսկեզօծ ստաֆիլոկոկ (Staphylococcus aureus) կոչվող բակտերիաների չափից դուրս մեծ քանակության պատճառով: Սա ճնշում է օգտակար բակտերիաները և խախտում մաշկի պատնեշային գործառույթը:
Մաշկի դիմադրողականության թուլացումը նաև կարող է առաջացնել իմունային համակարգի պատասխան ռեակցիա, որը հանգեցնում է մաշկի բորբոքման և այլ ախտանիշների զարգացման:
Ատոպիկ դերմատիտը մաշկաբորբի (դերմատիտի) մի քանի տեսակներից մեկն է: Այլ տարածված տեսակներ են կոնտակտային դերմատիտը և սեբորեային դերմատիտը (թեփը): Դերմատիտը վարակիչ չէ:
Ռիսկի գործոններ
Ատոպիկ դերմատիտի հիմնական ռիսկի գործոնը նախկինում էկզեմա, ալերգիա, ալերգիտ ռինիտ կամ ասթմա ունենալն է: Այս հիվանդություններով ընտանիքի անդամներ ունենալը նույնպես մեծացնում է ձեր ռիսկը:
Հոդվածը հրապարակվել է՝ 11-05-2018
Վերջին վերանայում՝ 07-05-2024