Էկզեմա. ախտորոշում

Էկզեմա. ախտորոշում

Ատոպիկ դերմատիտը (էկզեմա) ախտորոշելիս որևէ լաբորատոր կամ այլ թեստի կարիք չի զգացվում։

Բժիշկն ախտորոշում է էկզեման՝ զրուցելով և լսելով գանգատները, ինչպես նաև զննելով ախտահարված մաշկը։ Նրան զգալի կերպով կօգնեն հիվանդության պատմությունը և ալերգիայի հետ ձեր առնչությունը և նախկին դրվագները, ինչպես նաև անցյալում և տվյալ պահին առկա բոլոր հիվանդությունները և անհանգստացնող նշանները։

Տեղեկացրեք բժշկին, թե արդյոք ձեր ընտանիքի անդամների մոտ գրանցվել են ալերգիկ խանգարումներ կամ հիվանդություններ։

Բժիշկը նաև կարող է առաջարկել ալերգիկ թեստեր կամ ալերգոլոգի խորհրդատվություն։ Բժիշկը կարող է օգնել, որ ցուցակագրեք ձեր տրիգերները՝ հիվանդության սրացման գործոնները։

Եթե կասկածում եք, որ որոշ տեսակի սննդամթերքներ օգտագործելուց հետո առաջանում է մաշկային ցան, տեղեկացրեք բժշկին այդ մասին, որ նա կարողանա ձեզ հետ միասին նույնականացնել հնարավոր սննդային ալերգենները։

Հոդվածը վերանայվել է՝ 09-07-2021