Էմֆիզեմա ունեցող մարդկանց մոտ ավելի հավանական է, որ զարգանան հետևյալ բարդությունները:
- Թորշոմած (կալապսի ենթարկված) թոքեր և պնևմոթորաքս. կոլապսի ենթարկված թոքը կարող է կյանքին վտանգ սպառնալ այն մարդկանց մոտ, ովքեր ունեն ծանր էմֆիզեմա, քանի որ նրանց թոքերի գործառույթն արդեն իսկ կտրուկ խանգարված է: Սա հազվադեպ հանդիպող, սակայն ծանր վիճակ է:
- Սրտային խնդիրներ. էմֆիզեման կարող է մեծացնել սիրտն ու թոքերը միմյանց միացնող զարկերակներում արյան ճնշումը։ Սա կոչվում է թոքային հիպերտենզիա և կարող է առաջացնել մի վիճակ, որը կոչվում է թոքային սիրտ, որի դեպքում սրտի աջ կեսը լայնանում և թուլանում է՝ ի վերջո հանգեցնելով սրտային անբավարարության:
- Թոքային բուլլաներ. էմֆիզեմայով որոշ մարդկանց մոտ առաջանում են թոքերի դատարկ տարածքներ, որոնք կոչվում են բուլլաներ: Դրանք կարող են դառնալ թոքի կեսի չափ: Շնչելիս թոքերի ընդարձակման համար հասանելի տարածության կրճատումից բացի հսկա բուլլաները նաև կարող են մեծացնել պնևմոթորաքսի առաջացման ռիսկը:
Հոդվածը հրապարակվել է՝ 01-04-2023
Վերջին վերանայում՝ 02-06-2024