Դուք կարող եք էմֆիզեմա ունենալ երկար տարիներ՝ առանց որևէ գանգատ կամ ախտանիշ նկատելու:
Էմֆիզեմայի հիմնական ախտանիշը շնչարգելությունը կամ հևոցն է, որը սովորաբար սկսվում է աստիճանաբար։
Դուք կարող եք սկսել խուսափել այնպիսի գործողություններից, որոնք առաջացնում են շնչարգելություն, այնպես որ ախտանիշը խնդիր չի դառնում, քանի դեռ չի սկսել խանգարել առօրյա գործերին: Էմֆիզեման, ի վերջո, առաջացնում է շնչարգելություն և հևոց նույնիսկ այն ժամանակ, երբ հանգիստ վիճակում եք:
Ե՞րբ դիմել բժշկին
Այցելեք ձեր բժշկին, եթե մի քանի ամիս շարունակ ունեք անհասկանալի շնչարգելություն, հատկապես, եթե այն վատթարանում է կամ խանգարում է ձեր ամենօրյա գործունեությանը: Մի՛ արհամարհեք այս վիճակը՝ համոզելով ինքներդ ձեզ, որ ծերացել եք կամ պատճառը ձեր մարմնակառուցվածքի փոփոխությունն է: Անհապաղ զանգեք 1-03 կանչեք շտապ օգնություն, եթե՝
- այնքան եք հևում, որ չեք կարողանում աստիճաններով բարձրանալ
- լարվածությունից ձեր շրթունքները կամ եղունգները կապտում են կամ դառնում մոխրագույն են
- զգում եք, որ դարձել եք քնկոտ կամ անաշխույժ:
Հոդվածը հրապարակվել է՝ 17-05-2018
Վերջին վերանայում՝ 05-04-2024