Կանխարգելոեւմ - Ուշագնացություն

Կան որոշ պարզ քայլեր, որոնք կարող են օգնել ուշագնացության (սինկոպե) և ընկնելու կանխարգելմանը:

Մասնավորապես, ձեզ մոտ ուշագնացության ռիսկը նվազեցնելու համար կարող եք դիմել հետևյալ միջոցներին:

• Բաց մի՛ թողեք ձեր ճաշերը. դուք կարող եք ընտրել սնունդ ստանալ փոքր քանակներով, սակայն ավելի հաճախակի` առանց ժամեր շարունակ ձեզ սննդից զրկելու:
• Խմեք շատ հեղուկներ. սա կարող է օգնել ջրազրկման պատճառով առաջացող ուշագնացությանը, հատկապես շոգ եղանակին, ծանր ֆիզիկական վարժանքներ կատարելիս, փորլուծության և ջրազրկում առաջացնող այլ վիճակների դեպքում:
• Պարզեք, թե արդյոք առկա են արտաքին կամ այլ գործոններ, որոնք կարող են նպաստել ձեր ուշագնացությանը. նման գործոններից են արյան տեսքը, ներարկում ստանալը, խիստ տոթ միջավայրը կամ արևի տակ երկար մնալը, ջրազրկումը, ուժեղ ցավերը և այլն: Հնարավորության դեպքում փորձեք խուսափել նմանատիպ գործոններից:
• Փորձեք ոտքի կանգնել ոչ շատ կտրուկ. շատ արագ կանգնելը կարող է բերել արյան ճնշման կտրուկ անկման և թուլացնել գլխուղեղի արյան հոսքը, որը կոչվում է օրթոստատիկ (դիրքային) հիպոտենզիա:
• Խուսափեք նեղ օձիքով վերնաշապիկներից. պարանոցի մշտական սեղումը կարող է ճնշել ձեր կարոտիսային ծոցը և հանգեցնել ուշագնացության:

Եթե ունեք այնպիսի հիվանդություն կամ առողջական խնդիր, որը կարող է բարձրացնել ուշագնացության դրվագի զարգացման ռիսկը, ժամանակին և համարժեք բուժումը, այդ թվում՝ ձեր բժշկի նշանակումներին ու խորհուրդներին հետևելը և սեփական նախաձեռնությամբ դեղաչափերը փոփոխելուց զերծ մնալը, կարող են զգալիորեն կրճատել հանկարծակի կամ կանխատեսելի ուշագնացության հավանականության կրճատմանը: