Պատճառներ - Գրիպ

Ինֆլյուենցա վիրուսները հայտնվում են օդի կաթիլներում, երբ այս վարակն ունեցող որևէ մեկը հազում, փռշտում կամ խոսում է:

Դուք կարող եք ուղղակիորեն ներշնչել կաթիլները: Կամ կարող եք մանրէները վերցնել որևէ առարկայից, օրինակ՝ հեռախոսից կամ համակարգչի ստեղնաշարից, և այնուհետև դրանք փոխանցել ձեր աչքեր, քիթ կամ բերան:

Վիրուսն ունեցող մարդիկ, ամենայն հավանականությամբ, վարակիչ են սկսած ախտանիշների ի հայտ գալուց մոտ մեկ օր առաջ մինչև դրանց սկսվելուց մոտ չորս օր հետո: Երեխաները և թուլացած իմունային համակարգ ունեցող մարդիկ կարող են վարակիչ լինել մի փոքր ավելի երկար:

Գրիպի վիրուսները մշտապես փոփոխվում են և պարբերաբար հայտնվում են նոր շտամներ: Եթե ​​դուք նախկինում գրիպ եք ունեցել, ձեր օրգանիզմն արդեն հակամարմիններ է ստեղծել վիրուսի այդ հատուկ շտամի դեմ պայքարելու համար: Եթե ​​գրիպի ապագա վիրուսները նման են այն վիրուսներին, որոնց նախկինում հանդիպել եք՝ կամ հիվանդություն ունենալով, կամ պատվաստվելով, այդ հակամարմինները կարող են կանխել վարակը կամ նվազեցնել դրա ծանրությունը: Սակայն հակամարմինների մակարդակը ժամանակի ընթացքում կարող է նվազել:

Բացի այդ, գրիպի վիրուսների դեմ հակամարմինները, որոնք դուք հանդիպել եք անցյալում, կարող են չպաշտպանել ձեզ գրիպի նոր շտամներից: Նոր շտամները կարող են լինել շատ տարբերվող վիրուսներ, քան նախկինում ունեիք:

Ռիսկի գործոններ

Գործոնները, որոնք կարող են մեծացնել գրիպի կամ դրա բարդությունների զարգացման ռիսկը, ներառում են հետևյալը:

• Տարիք. սեզոնային գրիպն ավելի ծանր դրսևորվում է ստանում 2 տարեկանից ցածր երեխաների և 65 տարեկանից բարձր չափահասների մոտ:
• Կենցաղային կամ աշխատանքային պայմաններ. մարդիկ, ովքեր ապրում կամ աշխատում են բազմաթիվ այլ մարդկանց հետ այնպիսի հաստատություններում, ինչպիսիք են ծերանոցները կամ զորանոցները, ավելի հավանական է, որ հիվանդանան գրիպով: Հիվանդանոցում գտնվող մարդիկ նույնպես ավելի բարձր ռիսկի են ենթարկվում:
• Թուլացած իմունային համակարգ. քաղցկեղի բուժումը, փոխպատվածված օրգանի մերժման դեմ դեղամիջոցները, ստերոիդների երկարատև օգտագործումը, օրգանների փոխպատվաստումը, արյան քաղցկեղը կամ ՄԻԱՎ/ՁԻԱՀ-ը կարող են թուլացնել իմունային համակարգը: Սա կարող է հեշտացնել գրիպով վարակվելը և կարող է մեծացնել բարդությունների զարգացման ռիսկը:
• Քրոնիկ հիվանդություններ. քրոնիկ վիճակները կարող են մեծացնել գրիպի բարդությունների վտանգը: Օրինակները ներառում են ասթմա և թոքերի այլ հիվանդություններ, շաքարային դիաբետ, սրտային հիվանդություն, նյարդային համակարգի հիվանդություններ, նյութափոխանակության խանգարումներ, շնչուղիների հետ կապված խնդիրներ և երիկամներային, լյարդային կամ արյան հիվանդություն:
• Ռասա. ամերիկացի հնդկացիները կամ Ալյասկայի բնիկները կարող են ունենալ գրիպի բարդությունների բարձր ռիսկ:
• Ասպիրինի օգտագործում մինչև 19 տարեկանը. մարդիկ, ովքեր 19 տարեկանից փոքր են և Ասպիրինով երկարատև բուժում են ստանում, գրիպով վարակվելու դեպքում Ռեյի համախտանիշի զարգացման վտանգի տակ են:
• Հղիություն. հղի կանանց մոտ գրիպի բարդություններն ավելի հավանակն են, հատկապես երկրորդ և երրորդ եռամսյակներում: Այս ռիսկը շարունակվում է երեխայի ծնվելուց մինչև երկու շաբաթվա ընթացքում:
• Գիրություն. 40 և ավելի բարձր մարմնի զանգվածի գործակից (ՄԶԳ) ունեցող գեր մարդիկ ենթարկվում են գրիպի բարդությունների ավելի բարձր ռիսկին: