Ախտորոշում - Գրիպ

Ձեր բժիշկը ֆիզիկական քննություն (բուժզննում) կանցկացնի, կփնտրի գրիպի գանգատներն ու ախտանիշները և, հնարավոր է, առաջարկի գրիպի վիրուսները հայտնաբերող թեստ:

Այն ժամանակաշրջանում, երբ գրիպը տարածված է, դուք կարող եք դրա համար թեստ անցնելու կարիք չունենալ: Ձեր բժիշկը կարող է ձեզ ախտորոշել՝ ելնելով ձեր ախտանիշներից:

Որոշ դեպքերում ձեր բժիշկը կարող է ձեզ առաջարկել գրիպի թեստ անցնել: Ձեր բժիշկը կարող է օգտագործել բազմաթիվ թեստեր գրիպի ախտորոշման համար: Պոլիմերազային շղթայական ռեակցիայի (ՊՇՌ) թեստն ավելի տարածված է դառնում շատ հիվանդանոցներում և լաբորատորիաներում: Այս թեստը կարող է կատարվել, երբ դուք գտնվում եք ձեր բժիշկի գրասենյակում կամ հիվանդանոցում: ՊՇՌ թեստն ավելի զգայուն է, քան մյուս թեստերը և կարող է որոշել գրիպի շտամը:

Հնարավոր է թեստ անցնել և գրիպի, և COVID-19-ի ախտորոշման համար։ Դուք կարող եք միաժամանակ ունենալ և COVID-19, և գրիպ:

Եթե գրիպն ընթանում է բարդություններով, առաջանում է լրացուցիչ հետազոտությունների կարիք: Oրինակ, կրծքավանդակի ռենտգենով կարելի է ախտորոշել թոքաբորբը (պևնմոնիա), իսկ համակարգչային տոմոգրաֆիայով (ԿՏ)՝ միմյանցից տարբերակել գրիպով և COVID-19-ով պատճառված թոքաբորբերը: