Ֆունկցիոնալ դիսպեպսիա. բարդություններ

Ֆունկցիոնալ դիսպեպսիա. բարդություններ

Ֆունկցիոնալ դիսպեպսիայի բարդությունները հարաբերականորեն սակավաթիվ են և ոչ լուրջ, սակայն կարող են ազդել կյանքի որակի վրա::

Օրինակ, հնարավոր ախտանիշներից զգուշացումը կարող է ստիպել, որ ավելի մեծ ուշադրություն դարձնեք սննդատեսակին, փոփոխեք սովարական սննդակարգը, խուսափեք սննդից կամ ախտանիշների սրացման պատճառով ստիպված բացակայեք դասերից կամ աշխատանքից:

Նկատի ունեցեք, որ ֆունկիոնալ դիսպեպսիայի ժամանակ չնախատեսված քաշի կորուստը անսովոր երևույթ է և ավելի հաճախ վկայում է որևէ ոչ ֆունկցիոնալ՝ «իրական» հիվանդության առկայության մասին: Այն գանգատները, որոնք մարդկանց ստիպում են կտրվել քնից, դարձյալ, ավելի հավանական է, որ առաջանան ոչ թե ֆունկցիոնալ, այլ ոչ ֆունկցիոնալ հիվանդության պատճառով:

Ավելի հաճախ, ֆունկցիոնալ հիվանդությունները ազդում են մարդկանց հարմարավետության և առօրյա գործերի վրա: Սնունդ ընդունելու հետ կապված սրտխառնոցից կամ ստամոքսի ցավերից բողոքող մարդիկ կարող են բաց թողնել նախաճաշը: Սովորաբար նրանք գիտեն, թե ինչ սննդամթերքի օգտագործման հետ է կապված գանգատների առաջացումը, օրինակ՝ կաթ, ճարպոտ կամ յուղոտ սննդամթերքներ, բանջարեղեններ: Անկախ այն հանգամանքից, թե նման կապն իրական է, թե ոչ, մարդիկ սահմանափակում են իրենց սննդակարգը: Ավելի հաճախ սննդակարգից բացառվում է կաթը, թեև հաճախ՝ չհիմնավորված, որը կարող է բերել կալցիումի անբավարարության և բարձրացնել օստեոպորոզի զարգացման ռիսկը:

Ֆունկցիոնալ դիսպեպսիայի ազդեցությունն առօրյա կյանքի վրա նաև կարող է բերել միջանձնային հարաբերությունների, մասնավորապես՝ ամուսինների միջև շփման խնդիրների:

Ֆունկցիոնալ հիվանդությամբ բազմաթիվ մարդիկ համակերպվում են իրենց վիճակի հետ և ախտորոշման կամ բուժման համար հազվադեպ են այցելում բժիշկներին:

Հոդվածը վերանայվել է՝ 07-06-2021