Ֆունկցիոնալ դիսպեպսիա. բուժում

Ֆունկցիոնալ դիսպեպսիա. բուժում

Երկարատև շարունակվող և ապրելակերպի փոփոխություններով չվերահսկվող ֆունկցիոնալ դիսպեպսիան կարող է պահանջել բուժում:

Ֆունկցիոնալ դիսպեպսիայի բուժման տեսակը կախված է ախտանիշներից: Բուժումը կարող է զուգակցել դեղամիջոցները և վարքաբանական թերապիան:

Դեղամիջոցներ

  • Գազերը մեղմացնող դեղամիջոցներ. սիմէթիկոն պարունակող դեղամիջոցները կարող են օգնել աղիքային գազերի և փորափքանքի (մետեորիզմ) կրճատմանը: Օրինակներից են՝ Միլանտա և Գազ-X:
  • Թթվի արտադրությունը կրճատող դեղամիջոցներ. ստամոքսի թթվի արտադրությունը կրճատող և ստամոքսային գանգատները մեղմացնող հիստամինային (H2) ընկալիչների պաշարիչների օրինակներից են՝ Ցիմետիդին (Տագամետ HB), Ֆամոտիդին (Պեպսիդ AC) և Նիզատիդին (Աքսիդ AR):
  • Թթվային պոմպերն արգելափակող դեղամիջոցներ. պրոտոնային պոմպերի արգելակիչները փակում են թթու արտազատող ստամոքսի բջիջների թթվային պոմպերը: Այս խմբի դեղամիջոցների հանրահայտ օրինակներից են՝ Լանզոպրազոլ (Պրեվացիդ 24HR), Օմեպրազոլ (Պրիլոսեկ OTC) և Էզոպրեմազոլ (Նեքսիում 24HR): Այս դեղամիջոցները սովորաբար նշանակվում են այն դեպքերում, երբ ֆունկցիոնալ դիսպեպսիան ուղեկցվում է այրոցքով (изжога)
  • Հակաբիոտիկներ. եթե թեստով պարզվում է, որ ստամոքսում առկա է խոց առաջացնող H. pylori բակտերիա, բժիշկը կարող է խորհուրդ տալ հակաբիոտիկների և թթուն ընկճող դեղամիջոցների զուգակցում:
  • Ցածր դեղաչափով հակադեպրեսանտներ. տրիցիկլիկ հակադեպրեսանտները և սերոտոնինի ետզավթման ընտրողական արգելակիչները ցածր դեղաչափերով կարող են օգնել աղիքային ցավը վերահսկող նեյրոնների ակտիվության ընկճմանը:
  • Պրոկինետիկներ. պրոկինետիկներն օգնում են ստամոքսի ավելի արագ դատարկմանը և կերակրափող-ստամոքսային սեղմակի (սֆինկտեր) գործունեության բարելավմանը: Նման ազդեցության շնորհիվ պրոկինետիկները կրճատում են որովայնային անհարմարավետության հավանականությունը:
  • Սրտխառնոցը մեղմացնող դեղամիջոցներ (հակափսխեցուցիչներ). եթե սնունդ ընդունելուց հետո առաջացնում է սրտխառնոց, բժիշկը կարող է խորհուրդ տալ որևէ հակափսխեցուցիչ դեղամիջոց, օրինակ՝ Պրոմեթազին, Պրոքլորպերազին կամ Մեկլիզին:

Վարքաբանական թերապիա

Խորհրդատուն կամ թերապևտը կարող են օգնել ֆունկցիոնալ դիսպեպսիայի ախտանիշների մեղմացմանը, որոնց դեղամիջոցները չեն օգնում: Խորհրդատուն կամ թերապևտը կարող են սովորեցնել ռելաքսացիոն մեթոդներ, որոնք կօգնեն ախտանիշների դիմակայմանը: Դուք նաև կարող եք սովորել առօրյա կյանքում սթրեսը կրճատող մեթոդներ, որոնք կարող են կանխարգելել ֆունկցիոնալ դիսպեպսիայի կրկնությանը:

Իմացե՛ք ավելին մարսողության խանգարման ժամանակ ինքնօգնության, ինչպես նաև սննդակարգի կարգավորման օգտակար հմտությունների մասին:

Հոդվածը վերանայվել է՝ 07-06-2021