Լեղապարկի քարերի ձևավորումը լիարժեք կանխարգելող որևէ հատուկ մեթոդ գոյություն չունի։
Այնուամենայնիվ, լեղապարկի քարերի առաջացման ռիսկը կարող է նվազեցվել հետևյալ միջոցներով։
- Բաց մի՛ թողեք ճաշերը. փորձեք ամեն օր պահպանել սովորական ճաշելու ռեժիմը: Ճաշերի բաց թողումը կամ քաղցն առաջացնում են լեղապարկում կուտակված լեղու կանգ, ուստի կարող են բարձրացնել լեղապարկի քարերի ռիսկը:
- Նիհարեք դանդաղորեն. եթե ցանկանում եք ազատվել ավելորդ քաշից, արեք դա աստիճանաբար։ Քաշի կտրուկ նվազեցումը բարձրացնում է լեղապարկի քարերի առաջացման ռիսկը, ուստի, մի՛ ձգտեք նիհարել ավելի արագ, քան շաբաթական 0,5-1 կգ-ով։
- Ավելացրեք բջջանքով հարուստ սնունդը. բջջանքը (բջջանյութ) կանխարգելում է լեղապարկի քարերի ձևավորումը, ուստի սննդակարգում ավելացրեք բջջանքով հարուստ սննդամթերքներ՝ մրգեր, բանջարեղեն և ամբողջահատիկ հացամթերքներ:
- Պահպանեք առողջ քաշը. գիրությունը և ավելորդ քաշը բարձրացնում են լեղապարկի քարերի առաջացման ռիսկը: Կարգավորեք ձեր մարմնի քաշն առողջ սննդակարգի և ակտիվ ֆիզիկական ապրելակերպի միջոցով: Երբ հասնեք առողջ քաշի, ձգտեք պահպանել այն՝ շարունակելով առողջ սննդակարգը և մնալով ֆիզիկապես ակտիվ:
Հոդվածը հրապարակվել է՝ 29-04-2019
Վերջին վերանայում՝ 29-05-2024