Ախտանիշներ - Լեղապարկի քարեր

Լեղպարկի քարերը կարող են որևէ գանգատ կամ ախտանիշ չառաջացնել։

Երբ քարը հայտնվում է ծորանում և առաջացնում լեղու արտահոսքի արգելափակում, զարգանում են հետևյալ ախտանիշները՝

• հանկարծակի և արագ սաստկացող ցավեր որովայնի վերին-աջ կողմում (աջ թուլակող)
• հանկարծակի և արագ սաստկացող ցավեր որովայնի կենտրոնում (անմիջապես կրծոսկրից ներքև)
• մեջքի ցավ, սովորաբար թիակների միջև
• աջ ուսագոտու ցավ
• սրտխառնոց կամ փսխումներ:

Ցավը կարող է տևել մի քանի րոպեից մինչև մի քանի ժամ:

Ե՞րբ դիմել բժշկին

Պայմանավորվեք և արտահերթ այցելեք ձեր բժշկին, եթե ունեք անհանգստացնող գանգատներ կամ ախտանիշներ:

Դիմեք անհետաձգելի բուժօգնության, եթե զարգացել են լեղապարկի քարերի ծանր բարդությունների ախտանիշներ, օրինակ՝

• որովայնային ցավն այնքան ուժեղ է, որ չեք կարող հանգիստ նստել կամ հարմար դիրք գտնել (լեղային խիթ կամ կոլիկա)
• մաշկի և աչքերի սկլերաների դեղնություն (մեխանիկական դեղնուկ)
• բարձր ջերմություն՝ դողով և սարսուռով։