Գրադարան
Լեղապարկի քարեր․ ախտանիշներ
1 րոպե
Լեղպարկի քարերը կարող են որևէ գանգատ կամ ախտանիշ չառաջացնել։
Երբ լեղապարկի քարը հայտնվում է ծորանում և առաջացնում լեղու արտահոսքի արգելափակում, զարգանում են հետևյալ ախտանիշները՝
- հանկարծակի և արագ սաստկացող ցավեր որովայնի վերին-աջ կողմում (աջ թուլակող)
- հանկարծակի և արագ սաստկացող ցավեր որովայնի կենտրոնում (անմիջապես կրծոսկրից ներքև)
- մեջքի ցավ, սովորաբար թիակների միջև
- աջ ուսագոտու ցավ
- սրտխառնոց կամ փսխումներ:
Լեղաքարային ցավը կարող է տևել մի քանի րոպեից մինչև մի քանի ժամ:
Ե՞րբ դիմել բժշկին
Պայմանավորվեք և այցելեք ձեր բժշկին, եթե ունեք անհանգստացնող գանգատներ կամ ախտանիշներ:
Դիմեք անհետաձգելի բուժօգնության, եթե զարգացել են լեղապարկի քարերի ծանր բարդությունների ախտանիշներ, օրինակ՝
- որովայնի ցավն այնքան ուժեղ է, որ չեք կարող հանգիստ նստել կամ հարմար դիրք գտնել (լեղային խիթ)
- մաշկի և աչքերի սկլերաների դեղնություն (մեխանիկական դեղնուկ)
- բարձր ջերմություն՝ դողով և սարսուռով։
Հոդվածը տեղադրվել է՝ 29-04-2019 վերանայվել է՝ 03-04-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
