Լեղապարկի քարերը մարսողական հեղուկի պնդացած նստվածքներ են, որոնք ձևավորվում են լեղապարկի խոռոչում:
Լեղապարկը փոքր տանձաձև օրգան է, որը տեղակայված է որովայնի վերին աջ կողմում, անմիջապես լյարդի տակ: Լեղապարկը պահեստավորում է լեղի կոչվող մարսողական հեղուկը, որն ըստ անհրաժեշտության արտազատվում է բարակ (12-մատնյա) աղի և մասնակցում մարսողությանը։
Լեղաքարերի չափսերը տատանվում են՝ սկսած ավազահատիկից մինչև գոլֆի գնդակի չափ: Որոշ մարդկանց մոտ առաջանում է լեղապարկի ընդամենը մեկ քար, իսկ մյուսների մոտ՝ միաժամանակ բազմաթիվ քարեր: Դրանք կարող են բորբոքել լեղապարկը, խցանել լեղուղիները և խոչընդոտել լեղու հոսքը։
Այն մարդկանց, ովքեր ունեն լեղապարկի քարի ախտանիշներ, սովորաբար առաջարկվում է լեղապարկի հեռացման վիրահատություն: Լեղաքարերը, որոնք չեն առաջացնում որևէ գանգատ և ախտանիշ, հաճախ բուժման կարիք չունեն:
Հոդվածը հրապարակվել է՝ 29-04-2019
Վերջին վերանայում՝ 29-05-2024