Նկարագիր - Գանգրենա

Գանգրենան օրգանիզմի հյուսվածքի մեռուկացումն է (նեկրոզ) արյան հոսքի բացակայության կամ ծանր բակտերիալ վարակի պատճառով:

Գանգրենան սովորաբար ախտահարում է ոտքերը և ձեռքերը, ներառյալ՝ ոտքի և ձեռքի մատները: Այն նաև կարող է զարգանալ մկաններում և ներքին օրգաններում, ինչպիսին է լեղապարկը:

Որևէ հիվանդություն կամ վիճակ, որը վնասում է արյունատար անոթները և խաթարում արյան հոսքը, ինչպիսիք են շաքարային դիաբետը կամ կարծրացած զարկերակները (աթերոսկլերոզ), մեծացնում են գանգրենայի առաջացման ռիսկը:

Գանգրենայի բուժումը կարող է ներառել հակաբիոտիկներ, թթվածնային թերապիա և վիրահատություն՝ արյան հոսքը վերականգնելու և մեռուկացած հյուսվածքները հեռացնելու համար: Որքան շուտ հայտնաբերվի և բուժվի գանգրենան, այնքան ավելի մեծ են վերականգնման հնարավորությունները: