Ֆիզիկական քննությունից (բուժզննում) և ձեր ախտանիշներին ու հիվանդության պատմությանը (անամնեզ) ծանոթանալուց հետո, ձեր բժիշկը կարող է առաջարկել մի շարք հետազոտություններ, որոնք կօգնեն գանգրենայի ախտորոշմանը և ծանրության աստիճանի գնահատմանը:
- Արյան թեստեր. արյան սպիտակ բջիջների (լեյկոցիտների) բարձր քանակությունը հաճախ վարակի նշան է: Որոշակի բակտերիաների և այլ մանրէների առկայությունը ստուգելու համար նաև կարող են նշանակվել արյան այլ թեստեր:
- Հեղուկների կամ հյուսվածքային կուլտուրա. բժիշկը կարող են առաջարկել թեստեր՝ մաշկի բշտիկից հեղուկ նմուշում բակտերիաներ փնտրելու համար: Հյուսվածքային նմուշը կարելի է հետազոտել մանրադիտակի տակ՝ բջիջների մեռուկացման նշաններ գտնելու համար:
- Պատկերային հետազոտություններ. ռենտգեն հետազոտությունը, համակարգչային տոմոգրաֆիան (ԿՏ) և մագնիսա-ռեզոնանսային տոմոգրաֆիան (ՄՌՏ) կարող են պատկերել ներքին օրգանները, արյունատար անոթները և ոսկորները: Այս հետազոտությունները կարող են ցույց տալ, թե օրգանիզմում որքան հեռու է գանգրենան տարածվել:
- Վիրահատություն. վիրահատությունը կարող է տեղեկություններ տրամադրել գանգրենայի և վարակված հյուսվածքների տարածումը գնահատելիս:
Հոդվածը հրապարակվել է՝ 09-11-2023
Վերջին վերանայում՝ 23-04-2024