Չբուժվելու դեպքում գաստրիտը կարող է հանգեցնել ստամոքսի խոցի և արյունահոսության:
Հազվադեպ, քրոնիկ գաստրիտի որոշ ձևեր կարող են մեծացնել ստամոքսի քաղցկեղի ռիսկը, հատկապես, եթե ունեք ստամոքսի լորձաթաղանթի ծանր հյուծում և լորձաթաղանթի բջիջների փոփոխություններ (մուտացիաներ):
Տեղեկացրեք ձեր բժշկին, եթե ձեր գանգատներն ու ախտանիշները չեն բարելավվում՝ չնայած գաստրիտի բուժմանը:
Անմիջապես կապ հաստատեք բժշկի հետ կամ զանգեք 1-03 և կանչեք շտապ օգնություն, եթե ձեր փսխման զանգվածներում նկատում եք արյուն, սուրճի նստվածքին նմանվող զանգված կամ կղանքի սևացում, որոնք ուղեկցվում են ինքնազգացողության կտրուկ վատացմամբ։ Դրանք ստամոքս-աղիքային սուր արյունահոսության նշաններ են:
Հոդվածը հրապարակվել է՝ 22-04-2021
Վերջին վերանայում՝ 30-05-2024