Նկարագիր - Գաստրիտ

Գաստրիտը մի խումբ հիվանդությունների հավաքական անվանումն է, որոնք ընթանում են ստամոքսի լորձաթաղանթի բորբոքմամբ:

Գաստրիտային բորբոքումն առավել հաճախ նույն այն բակտերիայով վարակվելու հետևանք է, որն առաջացնում է ստամոքսի խոցերի մեծ մասը (հելիկոբակտերի պիլորի) կամ կապված է որոշ ցավազրկողների կանոնավոր օգտագործման հետ: Չափից շատ ալկոհոլ խմելը նույնպես կարող է նպաստել գաստրիտի զարգացմանը:

Գաստրիտը կարող է դրսևորվել հանկարծակի (սուր գաստրիտ) կամ զարգանալ դանդաղորեն՝ երկար ժամանակի ընթացքում (քրոնիկ գաստրիտ): Որոշ դեպքերում գաստրիտը կարող է հանգեցնել խոցային հիվանդության և ստամոքսի քաղցկեղի ռիսկի բարձրացման: Այնուամենայնիվ, մարդկանց մեծամասնության համար գաստրիտը ծանր հիվանդություն չէ և բուժման հետ արագորեն բարելավվում է: