Գլաուկոման աչքի հիվանդությունների խումբ է, որը վնասում է տեսողական նյարդը:
Տեսողական նյարդը տեսողական ազդանիշներ է ուղարկում ձեր աչքից դեպի գլխուղեղ և կենսական նշանակություն ունի լավ տեսողության համար: Տեսողական նյարդի վնասումը հաճախ կապված է ձեր աչքի ներսում առկա ճնշման բարձրացման հետ, որը կոչվում է ներակնային ճնշում: Սակայն գլաուկոմա կարող է առաջանալ նույնիսկ նորմալ ներակնային ճնշման դեպքում:
Գլաուկոման կարող է զարգանալ ցանկացած տարիքում, թեև ավելի տարածված է տարեց չափահասների շրջանում: Այն 60-ից բարձր տարիքի մարդկանց կուրության հիմնական պատճառներից մեկն է:
Գլաուկոմայի շատ ձևեր չունեն նախազգուշացնող վաղ նշաններ: Հիվանդության հետևանքներն այնքան աստիճանական են զարգանում, որ դուք կարող եք չնկատել կամ ուշադրության չարժանացնել տեսողության փոփոխություները, քանի դեռ վիճակը չի անցել իր վերջնային՝ անդառնալի փուլերին:
Կարևոր է կանոնավոր աչքի սքրինինգներ անցնելը, որոնց ընթացքում չափվում է ձեր ներակնային ճնշումը: Եթե գլաուկոման վաղ հայտնաբերվի, տեսողության կորուստը կարող է դանդաղեցվել կամ կանխարգելվել: Եթե ունեք գլաուկոմա, բուժման կամ մշտադիտարկման կարիք կունենաք ձեր ողջ կյանքի ընթացքում:
Հոդվածը հրապարակվել է՝ 20-06-2019
Վերջին վերանայում՝ 06-04-2024