Ախտանիշներ - Գլաուկոմա

Գլաուկոմայի ախտանիշները կախված են հիվանդության տեսակից և փուլից:

Բաց անկյուն գլաուկոմա

• Վաղ շրջաններում` ախտանիշների բացակայություն:
• Աստիճանաբար և անցավ կողմնային տեսադաշտի նեղացում (հատկապես քթային կողմից)` ի վերջո հասցնելով մինչև խողովակային ձևի տեսադաշտի: Կողմնային տեսողությունը նաև հայտնի է որպես ծայրամասային տեսողություն:
• Ուշ փուլերում, կենտրոնական տեսողությամբ առարկաները տեսնելու դժվարություն:

Սուր փակ (նեղ) անկյուն գլաուկոմա

• Կարող է առաջանալ աստիճանաբար կամ հանկարծակի (10%)։
• Նույն կողմի սուր կամ անտանելի գլխացավեր։
• Սուր, որոշ դեպքերում՝ հանկարծակի ակնային ցավ:
• Սրտխառնոց կամ փսխում:
• Մշուշոտ և աղավաղված տեսողություն:
• Լույսի աղբյուրի շուրջը՝ լուսապսակներ (օրեոլներ) կամ գունավոր շրջանակներ:
• Աչքի կարմրություն:

Նորմալ ճնշում գլաուկոմա

• Վաղ շրջաններում` ախտանիշների բացակայություն:
• Աստիճանաբար՝ մշուշոտ կամ աղավաղված տեսողություն:
• Ուշ փուլերում՝ կողմնային տեսողության կորուստ:

Գլաուկոման երեխաների մոտ

• Խամրած կամ պղտոր աչք (նորածիններ)
• Հաճախացած թարթում (նորածիններ)
• Արցունքներ՝ առանց լացի (նորածինների մոտ)
• Մշուշոտ տեսողություն:
• Կարճատեսություն, որը ժամանակի ընթացքում վատթարանում է:
• Գլխացավ:

Պիգմենտային գլաուկոմա

• Լույսի աղբյուրի շուրջը՝ լուսապսակներ (օրեոլներ) կամ գունավոր շրջանակներ:
• Աչքն աշխատացնելիս՝ մշուշոտ տեսողություն:
• Կողմնային տեսողության աստիճանական կորուստ:

Ե՞րբ դիմել բժշկին

Եթե զգում եք ախտանիշներ, որոնք հանկարծակի են ի հայտ գալիս, կարող եք ունենալ սուր փակ անկյունային գլաուկոմա: Ախտանիշները ներառում են ուժեղ գլխացավ և աչքի ուժեղ ցավ: Ձեզ անհրաժեշտ է հնարավորինս շուտ բուժում: Անմիջապես դիմեք անհետաձգելի բուժօգնության կամ զանգահարեք ակնաբույժի (օֆթալմոլոգի) գրասենյակ: