Ախտանիշներ - Գլոմերուլոնեֆրիտ

Գլոմերուլոնեֆրիտի գանգատներն ու ախտանիշները կարող են տարբերվել՝ կախված նրանից, թե դուք ունեք սուր կամ քրոնիկ ձև և պատճառից:

Դուք կարող եք չնկատել քրոնիկ հիվանդության ախտանիշներ: Ձեր առաջին նշանը, որ ինչ-որ բան այն չէ, կարող է հայտնաբերվել սովորական մեզի թեստի արդյունքներից (մեզի անալիզ):

Գլոմերուլոնեֆրիտի գանգատներն ու ախտանիշները կարող են ներառել հետևյալը՝

• վարդագույն կամ մուգ շագանակագույն մեզ (նման կոկա-կոլա ըմպելիքի գույնին), որի պատճառը ձեր մեզի մեջ հայտնված արյան կարմիր բիջիներն են (արյունամիզություն կամ հեմատուրիա)
• փրփրոտ կամ պղտոր մեզ՝ մեզի մեջ ավելորդ սպիտակուցի պատճառով (պրոտեինուրիա)
• բարձր արյան ճնշում (երկրորդային հիպերտենզիա)
• հեղուկի պահպանում (այտուց)՝ դեմքի, ձեռքերի, ոտնաթաթերի և որովայնի
• սովորականից քիչ միզելը (օլիգուրիա)
• սրտխառնոց և փսխում
• մկանային ցավեր
• հոգնածություն:

Ե՞րբ դիմել բժշկին

Եթե ​​ունեք գլոմերուլոնեֆրիտի գանգատներ կամ ախտանշաններ, անմիջապես պայմանավորվեք ձեր բժշկի հետ արտահերթ այցի համար: