Պատճառներ - Գրանդ մալ

Գլխուղեղի նյարդային բջիջները միմյանց հետո հաղորդակցվում են՝ այդ բջիջները միմյանց կապող սինապսներով ուղարկելով էլեկտրական և քիմիական ազդանիշներ:

Տոնիկ-կլոնիկ նոպաներն առաջանում են, երբ գլխուղեղի մակերևույթին առաջանում է ոչ նորմալ էլեկտրական ակտիվություն: Բազմաթիվ նյարդային բջիջներ պարպվում են միաժամանակ, սովորականից շատ ավելի արագ: Հաճախ հայտնի չէ, թե կոնկրետ ինչն է հանգեցնում նման փոփոխությունների (իդիոպաթիկցնցումներ):

Իմացե՛ք ավելին էպիլեպսիայի մասին:

Այնուամենայնիվ, տոնիկ-կլոնիկ ցնցումները երբեմն առաջանում են մեկ այլ առողջական խնդրի պատճառով (սիմպտոմատիկ կամ ախտանիշային ցնցումներ), որոնցից առավել կարևորները ներկայացված են ստորև:

Վնասվածք կամ վարակ

• գլխուղեղի տրավմատիկ վնասվածքներ
• վարակներ, ինչպիսիք են էնցեֆալիտը կամ մենինգիտը, կամ նման վարակների պատմություն
• նախկինում թթվածնաքաղցի պատճառով գլխուղեղի վնասում
• ինսուլտ

Բնածին կամ զարգացման գործոններ

• գլխուղեղի արյունատար անոթների ոչ ճիշտ ձևավորում
• ժառանգական (գենետիկ) համախտանիշներ
• գլխուղեղի ուռուցք

Նյութափոխանակության (մետաբոլիկ) խնդիրներ

• գլյուկոզի, նատրիումի, կալցիումի կամ մագնեզիումի խիստ ցածր մակարդակներ

Զրկանքի (հանման) համախտանիշներ

• ալկոհոլի և ապօրինի թմրամիջոցների օգտագործում կամ դրանց օգտագործման կտրուկ դադարեցում

Ռիսկի գործոններ

Տոնիկ-կլոնիկ ցնցումների ռիսկի գործոնները ներառում են՝

• ցնցումային խանգարումների ընտանեկան պատմություն (անամնեզ)
• գլխուղեղի վնասում տրավմայից, ինսուլտից, նախկին վարակից կամ այլ պատճառից
• քնի շեղումներ
• առողջական խնդիրներ, որոնք ազդում են էլեկտրոլիտային (աղային) հավասարակշռության վրա
• ապօրինի թմրամիջոցների օգտագործում
• ալկոհոլի չարաշահում: