Ալերգիկ ռինիտ. ախտանիշներ

Ալերգիկ ռինիտ. ախտանիշներ

Ալերգիկ ռինիտի ախտանիշները կարող են տարբեր լինել ինչպես տարբեր մարդկանց մոտ, այնպես էլ նույն անձի մոտ՝ կյանքի տարբեր շրջաններում։

Օրինակ, ալերգիկ ռինիտի ձեր ախտանիշները կարող են ի հայտ գալ կոնկրետ մի սեզոնին՝ երբ օդի մեջ մեծանում է ծառերի, խոտերի կամ ծաղիկների ծաղկափոշու քանակը կամ կայուն կերպով շարունակվել ամբողջ տարվա ընթացքում, եթե հիվանդությունը պատճառվել է կենդանիների մազերից։

Ալերգիկ ռինիտի ամենահաճախ հանդիպող ախտանիշներն են՝

  • հաճախակի փռշտոց
  • «հոսող» կամ փակ քթեր
  • քոր եկող, կարմրած կամ արցունքակալած աչքեր (հայտնի է նաև որպես «ալերգիկ կոնյուկտիվիտ»)
  • կոկորդի, բերանի քիմքի, քթի կամ ականջների քոր
  • հազ
  • աչքերի տակ՝ մաշկի կապտավուն այտուց (ալերգիկ կապտուկ)
  • ընդհանուր հոգնածության զգացում։

Ավելի հազվադեպ կարող են ի հայտ գալ՝

  • հոտառության թուլացում
  • դեմքի ցավեր (պատճառված հարքթային ծոցերի փակվածությունից)
  • քրտնարտադրություն
  • գլխացավ
  • «լցված» քիթ
  • խռմփոց։

Երբ ռինիտին ավելանում է ասթման (այս երկու վիճակները կարող են ունենալ նույն պատճառները), վերևի նշաններին կարող են գումարվել՝

Ալերգիկ ռինիտի ախտանիշները կարող են բավանակին նմանվել մրսածությանը և գրիպին ուղեկցող վարակային ռինիտի նշաններին։ Սակայն, հակառակ վերջինին, ալերգիկ ռինիտի նշանները համարժեք հակաալերգիկ բուժման բացակայության պայմաններում մնում են երկար ժամանակ։

Ալերգիկ ռինիտը սովորաբար ուղեկցվում է այլ վիճակներով, այդ թվում՝

Բժշկի կողմից նշանակված ալերգիկ ռինիտի ճիշտ բուժումը կարող է զգալիորեն մեղմացնել հիվանդության ընթացը և բերել գանտատների երկարատև մեղմացման (ռեմիսիա)։

Հոդվածը վերանայվել է՝ 27-05-2020