Ախտորոշում - Ալերգիկ ռինիտ

Ալերգիկ ռինինտն ախտորոշելու համար ձեր բժիշկը սովորաբար կատարում է բուժզննում և զրուցում է ձեր առողջության, ախտանիշների և հնարավոր հրահրող գործոնների՝ տրիգերների մասին:

Ձեր բժիշկը կարող է խորհուրդ տալ այս թեստերից մեկը կամ երկուսը:

• Մաշկային թեստ. այս դեպքում փոքր քանակությամբ նյութերը, որոնք կարող են ալերգիա առաջացնել, ներարկվում են ձեր ձեռքի կամ մեջքի վերին մասի մաշկի մեջ: Որպես այլընտրանք, ձեր մաշկը քերծվում է ստերիլ ասեղով և նույն շրջանում կաթեցվում է ալերգեն պարունակող լուծույթ (կոչվում է քերծվածքային թեստ): Այնուհետև ձեզ հսկում են ալերգիկ ռեակցիայի համար: Եթե ունեք ալերգիա, այդ ալերգենի տեղում առաջանում է բարձրացած բշտիկ (եղնջացան): Սա սովորաբար տևում է մոտ 15-ից 20 րոպե: Տարբեր ալերգենների կամ դրանց խմբերի հայտնաբերման համար կիրառում են տարբեր թեստեր: Որոշ դեպքերում կարող է առաջարկվել միաժամանակ մի քանի ալերգենների հայտնաբերման թեստ: Զրուցեք այս թեմայի շուրջ ձեր բժշկի հետ:
• Ալերգիայի նկատմամբ արյան թեստ. այս դեպքում ձեր արյան նմուշն ուղարկվում է լաբորատորիա՝ ստուգելու կոնկրետ ալերգենի նկատմամբ ձեր իմունային համակարգի արձագանքը: Այս թեստը չափում է ձեր արյան մեջ ալերգիա առաջացնող հակամարմինների քանակը, որոնք հայտնի են որպես իմունոգլոբուլին E (IgE): Արյան թեստի ախտորոշիչ նշանակությունը կորչում է, եթե ստանում եք որևէ հակաալերգիկ դեղամիջոց (օրինակ՝ հակահիստամինային հաբեր կամ օշարակ) կամ ունեք որևէ մաշկային ալերգիկ հիվանդություն (օրինակ՝ ատոպիկ դերմատիտ կամ էկզեմա)։