Ախտանիշներ - Առիթմիաներ

Սրտի առիթմիաները կարող են որևէ գանգատ կամ ախտանիշ չառաջացնել:

Բժիշկը կարող է հայտնաբերել անկանոն սրտազարկ այլ առիթով ձեզ զննելիս:

Ընդհանուր առմամբ, առիթմիայի գանգատներն ու ախտանիշները ներառում են՝

• կրծքավանդակի ներսում «թփրտոց» կամ թրթռոց կամ սրտխփոց
• հաճախացած սրտազարկ (տախիկարդիա)
• դանդաղած սրտազարկ (բրադիկարդիա)
• ցավ կրծքավանդակում
• օդի պակաս և հևոց:

Այլ ախտանիշներից են

• անհանգստություն
• թուլություն
• աչքերի դեմը մթնելու զգացողություն կամ գլխապտույտ
• քրտնարտադրություն
• ուշագնացություն (սինկոպե) կամ նախաուշագնացություն (ընկնելու զգացողություն):

Ե՞րբ դիմել բժշկին

Եթե կարծում եք, որ ձեզ մոտ կա առիթմիա, դիմեք ձեր բժշկին։

Եթե զգում եք, որ ձեր սիրտը շատ արագ կամ շատ դանդաղ է կծկվում, կամ բաց է թողնում հերթական կծկումը, պայմանավորվեք բժշկի այց: Անհապաղ դիմեք բուժօգնություն, եթե ունեք հևոց, թուլություն, գլխապտույտ, աչքերի դեմը մթնելու զգացողություն, ուշագնացություն կամ նախաուշագնացություն, և կրծքավանդակի շրջանում ցավ կամ անհարմարավետություն:

Առիթմիայի մի տեսակը, որը կոչվում է փորոքների ֆիբրիլյացիա, կարող է առաջացնել արյան ճնշման կտրուկ անկում: Կոլապսը կարող է առաջանալ վայրկյանների ընթացքում, և շուտով մարդու շնչառությունն ու անոթազարը դադարում են: Եթե դա տեղի է ունեւոմ ձեր ներկայությամբ, կատարեք հետևյալ քայլերը:

• Զանգեք 1-03:
• Եթե դուք կամ մոտակայքում ինչ–որ մեկն անցել եք սիրտ–թոքային վերակենդանացման (ՍԹՎ) դասընթաց, սկսեք ՍԹՎ միջոցառումները․ ՍԹՎ կարող է օգնել պահպանելու օրգանների արյան հոսքը, մինչև կիրականացվի դեֆիբրիլյացիա:
• Եթե դուք չեք անցել ՍԹՎ դասընթաց կամ կարծում եք, որ չեք կարող իրականացնել արհեստական շնչառություն, սկսեք միայն–ձեռքով ՍԹՎ․ ուժեղ և կտրուկ սեղմեք տուժողի կրծոսկրի շրջանում րոպեում 100-ից 120 սեղմման արագությամբ, մինչև շտապօգնության անձնակազմը ժամանի: Նման իրավիճակում կարիք չկա անցկացնելու արհեստական շնչառություն:
• Շարունակեք ՍԹՎ միջոցառումները՝ մինչև շտապօգնության անձնակազմը ժամանի: