Ինքնօգնություն - Սրտային հիվանդություն

Սրտային հիվանդությունը կարող է բարելավվել կամ նույնիսկ կանխարգելվել ապրելակերպի որոշ փոփոխությունների շնորհիվ:

Հետևյալ փոփոխությունները խորհուրդ են տրվում սրտային առողջությունը բարելավելու համար:

• Մի՛ ծխեք. ծխախոտի օգտագործում սրտային հիվանդության, մասնավորապես՝ աթերոսկլերոզի գլխավոր ռիսկի գործոնն է: Ծխախոտից մեկընդմիշտ հրաժարվելը սրտային հիվանդության և դրա բարդությունների ռիսկի կրճատման լավագույն ուղին է: Եթե օգնության կարիք ունեք, զրուցեք ձեր բժշկի հետ:
• Օգտվեք առողջ սննդից. մեծացրեք ձեր սննդակարգում մրգերի, բանջարեղենների և ամբողջահատիկավորների չափաբաժինը: Կրճատեք շաքարը, աղը և հագեցած ճարպերը:
• Վերահսկեք արյան ճնշումը. չվերահսկվող բարձր արյան ճնշումը մեծացնում է լուրջ սրտային խնդիրների ռիսկը: 18 տարեկանից բարձր անձանց խորհուրդ է տրվում արյան ճնշումը չափել առնվազն 2 տարին մեկ: Եթե ունեք սրտային հիվանդության ռիսկի գործոններ կամ անցել եք ձեր 40 տարեկանը, բժիշկը կարող է խորհուրդ տալ, որ ավելի հաճախակի ստուգեք ձեր ճնշումը: Հարցրեք բժշկին, թե արյան ճնշման որ ցուցանիշներն են ձեզ համար լավագույնը:
• Ստուգեք խոլեստերինը. հարցրեք բժշկին ստանդարտ խոլեստերինի թեստ անցնելու մասին, եթե հասել եք ձեր 20 տարեկանին, որից հետո կրկնեք այն ամեն 4-6 տարին մեկ: Եթե ունեք բարձր խոլեստերինի ընտանեկան պատմություն, նման թեստի կարիքը կարող զգացվել ավելի վաղ տարիքում: Նույն կերպ, եթե ձեր խոլեստերինը ցանկալի միջակայքում չէ կամ ունեք սրտային հիվանդության ռիսկի գործոններ, բժիշկը կարող է խորհուրդ տալ, որ ավելի հաճախակի ստուգեք ձեր խոլեստերինը:
• Կառավարեք դիաբետը. եթե ունեք դիաբետ, արյան շաքարի մշտական հսկողությունը կարող է օգնել սրտային հիվանդության ռիսկի կրճատմանը:
• Վարժանքներ արեք. ֆիզիկական ակտիվությունն օգնում է առողջ քաշին հասնելուն և պահպանելուն: Կանոնավոր վարժանքներն օգնում են դիաբետի, բարձր խոլեստերինի և բարձր արյան ճնշման վերահսկմանը, որոնք բոլորն էլ հանդիսանում են սրտային հիվանդության ռիսկի գործոններ: Բժշկի թույլտվությամբ հասեք շաբաթվա օրերի մեծ մասի համար 30-ից մինչև 60 րոպե տևող ֆիզիկական վարժանքներին: Զրուցեք բժշկի հետ նաև վարժանքների տեսակի և ինտենսիվության մասին:
• Պահպանեք առողջ քաշ. ավելորդ քաշը բարձրացնում է սրտային հիվանդության ռիսկը: Զրուցեք բժշկի հետ և միասին ընտրեք մարմնի զանգվածի գործակցի (ՄԶԳ) և քաշի համար իրատեսական նշանակակետեր:
• Կառավարեք սթրեսը. գտեք հուզական սթրեսի կրճատմանն օգնող ուղիներ: Ավելի շատ վարժանքներ անելը, գիտակցվածության հնարքները և աջակցող խմբերի այլ անձանց հետ շփվելը սթրեսի կառավարման որոշ մեթոդներից են: Եթե ունեք անհանգստություն, տագնապ կամ դեպրեսիա, զրուցեք բժշկի հետ դրանց հաղթարաման ուղիների մասին:
• Հետևեք հիգիենայի կանոններին. կանոնավոր կերպով լվացեք ձեր ձեռքերը և խոզանակեք ատամները:
• Զարգացրեք առողջ քնի սովորույթներ. վատ քունը կարող է բարձրացնել սրտային հիվադության և այլ քրոնիկ խանգարումների ռիսկը: Չափահասները պետք է ձգտեն հասնելու ամենօրյա 7-9-ժամյա քնին: Երեխաներն ավելի շատ քնի կարիք ունեն: Պառկեք քնելու և առավոտյան արթնացեք նույն ժամերին, այդ թվում՝ հանգստի օրերին: Եթե ունեք քնելու հետ կապված խնդիրներ, խորհուրդ հարցրեք ձեր բժշկից: