Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Այրոցքը (изжога) կամ դիսպեպսիան կրծոսկրի ետևում տեղակայված այրոցանման ցավն է, որը սովորաբար սկսվում է սնունդ ընդունելուց հետո։
Ընդ որում, այրոցքային ցավը կարող է ընդգրկել ամբողջ կրծքավանդակը և տիպիկ դեպքերում սաստկանալ պառկելիս կամ առաջ կռանալիս։
Թույլ կամ հազվադեպ ի հայտ եկող այրոցքը կարելի է հաղթահարել ապրելակերպի բարելավման և առանց դեղատոմսի վաճառվող որոշ դեղերի միջոցով։ Ավելի ծանր դեպքերում կարող է բժշկի կողմից նշանակվող այլ դեղերի կարիք զգացվել։
Նորմայում, կերակրափողի ստորին շրջանում տեղակայված մկանային օղը թուլանալիս կուլ տված սնունդը մուտք է գործում ստամոքս, որից հետո այդ օղը դարձյալ կծկվում է՝ չթողնելով, որ ստամոքսի թթվային պարունակությունը ետ բարձրանա դեպի կերակրափող։ Մկանային այդ օղին այլ կերպ անվանում են «սֆինկտեր»։
Երբ կերակրափող-ստամոքսային օղը բացվում է ոչ ճիշտ ժամանակին կամ թուլանում են վերջինիս մկանները, ստամոքսի թթվային պարունակությունը բարձրանում է վերև՝ դեպի կերակրափող և առաջացնում կերակրափողի լորձաթաղանթի գրգռում, ցավ և բորբոքում։ Այրոցքը կարող է առաջանալ նաև այդ օղի նորմալ գործունեության, սակայն ստամոքսի բարձրացած թթվայնության պատճառով։
Որոշ մարդկանց մոտ այրոցքի զգացողության առաջացումը որևէ կապ չունի սննդատեսակի հետ։ Մյուսների մոտ այս ախտանիշն ի հայտ է գալիս կոնկրետ որևէ սննդամթերք կամ կերակուր ստանալուց հետո։ Այրոցքի ախտանիշների առաջացման հիմնական խթանիչներն են՝
Կան այրոցքի առաջացման հավանականությունը բարձրացնող այլ գործոններ ևս, այդ թվում՝
Եթե ունենում եք այրոցքներ, դուք կարող եք կանխարգելել այն կամ, ծայրահեղ դեպքում, մեղմացել գանգատները՝ փոփոխելով ձեր սննդակարգը։
Ահա մի քանի խորհուրդներ՝
Դուք նաև կարող եք խմել առանց դեղատոմսի դուրս գրվող որոշ դեղեր, օրինակ՝ անտացիդներ, որոնք չեզոքացնում են ստամոքսի թթուն։ Եթե հղի եք, ձեր բժշկից ճշտեք այդ դեղերն ընդունելու նպատակահարմարությունը։
Եթե առանց դեղատոմսի վաճառվող դեղերը արդյունավետ չեն, իսկ այրոցքներն էլ ձեզ հաճախակի են անհանգստացնում (շաբաթվա մեջ 2 անգամ և ավելի հաճախ), սա կարող է վկայել գաստրոէզոֆագեալ ռեֆլյուքս-հիվանդության մասին (ԳԷՌՀ): Նման դեպքերում դիմեք ձեր բժշկին, որ նա նախաձեռնի համապատասխան ախտորոշիչ և բուժական միջոցառումներ։
Հոդվածը վերանայվել է՝ 30-03-2020
