Այրոցի գլխավոր ախտանիշը ետկրծոսկրային այրող բնույթի ցավն է:
Այրոցքի ախտանիշներից են՝
- ետկրծոսկրային այրող ցավ, որը սովորաբար ի հայտ է գալիս ուտելուց հետո և կարող է առաջանալ գիշերները
- ցավ, որը վատթարանում է պառկելիս կամ առաջ թեքվելիս
- բերանում դառը կամ թթվային համ:
Ե՞րբ դիմել բժշկին
Դիմեք անհետաձգելի բուժօգնության, եթե ունեք ուժեղ ետկրծոսկրային ցավեր, հատկապես, եթե դրանք սեղմող-ճնշող բնույթի են կամ ուղեկցվում են այլ ախտանիշներով, օրինակ՝ ձեռքերի կամ ստորին ծնոտի ցավ կամ շնչարգելություն: Հիշեք, որ ետկրծոսկրային ցավը կարող է լինել սրտամկանի ինֆարկտի ախտանիշը:
Պայմանավորվեք և այցելեք բժշկին, եթե՝
- այրոցք առաջանում է շաբաթական 2 անգամից ավելի հաճախ
- ախտանիշները պահպանվում են, չնայած առանց դեղատոմսի վաճառվող դեղամիջոցների օգտագործմանը
- ունեք կլման հետ կապված դժվարություն
- ունեք կայուն սրտխառնոց կամ փսխում
- ունեք քաշի կորուստ՝ կապված վատ ախորժակի կամ սնման խնդիրների հետ:
Հոդվածը հրապարակվել է՝ 23-06-2021
Վերջին վերանայում՝ 05-04-2024