Ապրելակերպի փոփոխությունը կարող են օգնել այրոցքի մեղմացմանը:
- Պահպանեք առողջ քաշը. ավելորդ կիլոգրամները որովայնը պահում են մշտական ճնշման ներքո՝ սեղմելով ստամոքսը և նպաստելով թթվի ետհոսքին դեպի կերակրափող: Քաշի կարգավորումը նվազեցնում է նկարագրված շեղումը և բարելավում ընդհանուր առողջական վիճակը:
- Խուսափեք կիպ և սեղմող հագուստից, որը նույնպես մեծացնում է որովայնի և ստորին կերակրափողային սեղմակի (սֆինկտեր) վրա ճնշումը:
- Խուսափեք այն մթերքներից, որոնք նպաստում են այրոցքին. տարբեր մարդկանց համար դրանք կարող են լինել տարբեր: Ընտրեք ձեր ցանկը և փորձեք սահմանափակել «արգելված» սննդամթերքների օգտագործումը:
- Խուսափեք սնունդ ընդունելուց հետո պառկելը. պառկած վիճակը հեշտացնում է ստամոքսի թթու պարունակության ետհոսքը դեպի կերակրափող: Համբերեք առնվազն 3 ժամ:
- Խուսափեք ուշ ժամին սնունդ ընդունելուց։
- Բարձրացրեք անկողնու գլխային ծայրը եթե գիշերային ժամերին կամ քնելուց առաջ հաճախ ունենում եք այրոցք: Լրացուցիչ բարձ օգտագործելն անօգուտ է:
- Խուսափեք ծխախոտից և ալկոհոլից. ինչպես ծխախոտի ծուխը, այնպես էլ ալկոհոլային խմիչքները թուլացնում են ստորին կերակրափողային սեղմակի նորմալ գործունեությունը և նպաստում թթվային ռեֆլյուքսի առաջացմանը:
- Խուսափեք մեծ ճաշերից. դրա փոխարեն փորձեք օրվա ընթացքում սնվել ավելի հաճախկի, սակայն ավելի փոքր քանակներով:
Հոդվածը հրապարակվել է՝ 23-06-2021
Վերջին վերանայում՝ 05-04-2024