Հելիկոբակտեր պիլորի վարակ. կանխարգելում

1 րոպե

Աշխարհի այն տարածաշրջաններում, որտեղ H. pylori վարակը և դրա բարդությունները տարածված են, բժիշկները երբեմն առողջ մարդկանց առաջարկում են H. pylori-ի հայտնաբերման թեստ:

Արդյոք կա օգուտ H. pylori վարակի թեստից, երբ դուք չունեք վարակի նշաններ կամ ախտանիշներ, փորձագետների շրջանում վիճելի հարց է:

Եթե մտահոգված եք H. pylori վարակով կամ կարծում եք, որ ունեք ստամոքսի քաղցկեղի բարձր ռիսկ, խոսեք ձեր բժշկի հետ: Միասին դուք կարող եք որոշել, թե արդյոք կարող եք օգուտ քաղել H. pylori թեստից:

Դուք կարող եք նաև նվազեցնել H. pylori-ով (նաև՝ այլ միկրոբներով) վարակվելու ռիսկը պարզ քայլերով, օրինակ՝

• զուգարանից օգտվելուց առաջ և հետո, խոհանոցային գործերից, այդ թվում՝ կերակուր պատրաստելուց առաջ և հետո լավ լվացեք ձեր ձեռքերը
• խուսափեք չլվացած սննդամթերքներ ուտելուց և ոչ մաքուր ջուր խմելուց
• խուսափեք ոչ բավարար եփված կերակուրներից (օրինակ, երբ ճանապարհորդում եք)
• խուսափեք այն մթերքներից, որոնք ձեզ հյուրասիրում են ոչ լվացած ձեռքերով։