Ախտանիշներ - Հելիկոբակտեր

Հելիկոբակտեր պիլորի (H. pylori) վարակ ունեցող մարդկանց մեծ մասը երբեք որևէ գանգատ կամ ախտանիշ չի նշում:

Դեռևս պարզ չէ, թե ինչու բազմաթիվ մարդիկ գանգատներ չեն ունենում, թեև որոշ մարդիկ կարող են ծնվել H. pylori–ի վնասաբեր ազդեցությունների նկատմամբ ավելի դիմադրողունակ:

Երբ H. pylori վարակի դեպքում ի հայտ են գալիս գանգատներ, դրանք սովորաբար կապված են լինում գաստրիտի կամ պեպտիկ խոցի հետ և կարող են ներառել՝

• ստամոքսի (որովայնի) ցավ կամ այրոցի զգացում
• ստամոքսի շրջանի ցավ, որը կարող է ուժգնանալ, երբ ստամոքսը դատարկ է
• սրտխառնոց
• ախորժակի կորուստ
• հաճախակի գղտոցներ
• որովայնի փքվածություն (փորափքանք կամ մետեորիզմ)
• ոչ միտումնավոր քաշի կորուստ:

Ե՞րբ դիմել բժշկին

Պայմանավորվեք և այցելեք ձեր բժշկին, եթե ունեք գաստրիտի կամ պեպտիկ խոցի հետ կապված գանգատներ:

Դիմեք անհապաղ բուժօգնության, եթե ունեք՝

• սուր կամ մշտական ստամոքսի (որովայնային) ցավեր, որոնք կարող են ձեզ արթնացնել գիշերային քնից
• արյունոտ կամ սև ձութանման կղանք
• արյունոտ կամ սև՝ սուրճի նստվածքին նմանվող փսխումներ: