Հեմոֆիլիա. ախտանիշներ

Հեմոֆիլիա. ախտանիշներ

Հեմոֆիլիան ժառանգվող հիվանդություն է և հանդիպում է որոշ ընտանիքներում, սկայն 1/3 դեպքերում կարող է ախտորոշվել այնպիսի ընտանիքներում, որտեղ հիվանդության ​վերաբերյալ պատմություն չկա:

Հեմոֆիլիայի գանգատները և նշանները տարբերվում են՝ կախված այն հանգամանքից, թե մակարդելիության գործոններն ինչ չափով են նվազել: Եթե ձեր մակարդելիության գործակցի մակարդակը քիչ է իջած, դուք կարող եք արյունահոսել միայն վիրահատությունից կամ վնասվածքից հետո: Եթե այս գործոնների պակասը զգալի է, ապա արյունահոսությունները կարող են ի հայտ գալ ինքնաբուխ` առանց որևէ տեսանելի պատճառի:

Ինքնաբուխ արյունահոսությունները հեմոֆիլիայի ժամանակ

Հեմոֆիլիայի ժամանակ ինքնաբուխ արյունահոսությունների ախտանիշներից են՝

  • մաշկի կտրվածքներին կամ վնասվածքներին, վիրահատություններին կամ ատամնաբուժական միջամտություններին հաջորդող անբացատրելի առատ արյունահոսություններ
  • սկսած մանկական տարիքից՝ բազմաթիվ մեծ կամ խորանիստ արյունազեղումներ
  • պատվաստումներից հետո անսովոր արյունահոսություններ
  • հոդերի ցավ, այտուցվածություն կամ կարկամվածություն (հոդերի ախտահարումն ընթանում է 3 փուլով՝ հեմարթրոզ, հեմարթրիտ և անկիլոզ)
  • մեզում կամ կղանքում արյուն
  • առանց պատճառի քթային արյունահոսություններ
  • նորածինների մոտ` անհասկանալի գերգռվածություն
  • ոչ նորմալ առատ արյունահոսություն դաշտանի ընթացքում կամ ծննդաբերության ժամանակ (խիստ հազվադեպ՝ «փոխանցող» կանանց մոտ):

Թեև արյունահոսության խնդիրները հաճախ սկսվում են մանկական տարիքից, որոշ մանկահասակ երեխաներ չունեն որևէ ախտանիշ մինչև սկսում են քայլել կամ վազել: Թեթև հեմոֆիլիայով մարդիկ կարող են առատ չարնահոսել, քանի դեռ չեն ենթարկվել տրավմայի կամ վիրահատական միջամտության:

Գլխուղեղային արյունահոսություններ

Ծանր հեմոֆիլիայով որոշ մարդկանց մոտ գլխի նույնիսկ թեթև վնասվածքները կարող են բերել ներգանգային արյունահոսության: Նման վիճակ հազվադեպ է հանդիպում, սակայն հանդիսանում է հեմոֆիլիայի ամենածանր բարդություններից մեկը: Գլխուղեղային արյունահոսության ախտանիշներից են՝

Ե՞րբ դիմել բժշկին

Անհապաղ զանգեք 1-03 և կանչեք շտապբուժօգնություն, եթե ձեր երեխայի մոտ առկա է՝

  • ներգանգային արյունահոսության որևէ գանգատ կամ նշան
  • վնասվածքից հետո չդադարող արյունահոսություն
  • այտուցված հոդեր, որոնք հպվելիս տաք են և վիրակապելիս՝ ցավետ:

Եթե ունեք հեմոֆիլիայի վերաբերյալ ընտանեկան պատմություն, ապա ձեզ կարող են առաջարկել գենետիկական հետազոտություն, որպեսզի մինչև ընտանիք կազմելը պարզվի, թե արդյոք դուք հանդիսանո՞ւմ եք հիվանդության փոխադրող:

Հոդվածը վերանայվել է՝ 18-05-2021