Երբ բժիշկը կասկածում է հեմոֆիլիա, կարող է նշանակել արյան մակարդելիության մակարդակները որոշող արյան թեստ:
Արյան թեստերը կարող են ոչ մի միայն հաստատել հեմոֆիլիայի առկայությունը, այլև ճշտել հիվանդության ծանրության աստիճանը և տեսակը: Գենետիկական հետազոտությունը հաճախ հաստատում է հեմոֆիլիայի ախտորոշումը, թեև ոչ միշտ է, որ գենային մուտացիաները հնարավոր է լինում հայտնաբերել:
Հեմոֆիլիայի ընտանեկան պատմությամբ կանանց համար նաև հնարավոր է հղիության ընթացքում որոշել, թե արդյոք պտղի մոտ առկա՞ է հեմոֆիլիա: Այնուամենայնիվ, նման հետազոտությունը կարող է ապագա երեխայի համար որոշակի վտանգ պարունակել: Զրուցեք ձեր բժշկի հետ այս հետազոտության օգուտների և ռիսկերի մասին:
Ծանր հեմոֆիլիան սովորաբար ախտորոշվում է երեխայի կյանքի առաջին տարվա ընթացքում: Սակայն թեթև ձեևերը կարող են մինչև չափահաս տարիք կլինիկորեն չդրսևորվել: Նման դեպքերում հեմոֆիլիայի մասին կարող է առաջին անգամ խոսք հնչել՝ տարբեր տարիքում արյունահոսությունների կամ արյունազեղումների հաճախակի կրկնության և այլ ախտանիշների առկայության դեպքում: Որոշ մարդկանց մոտ հեմոֆիլիայի կասկած է առաջանում, երբ վիրաբուժական որևէ միջամտության ընթացքում ի հայտ է գալիս անբացատրելի առատ արյունահոսություն:
Հոդվածը հրապարակվել է՝ 23-05-2020
Վերջին վերանայում՝ 23-04-2024