Բուժում - ՙՄիջողնային ճողվածք

Կոնսերվատիվ (ոչ վիրահատական) բուժումը, որը հիմնականում փոփոխում է գործողությունները՝ ցավ պատճառող շարժումներից խուսափելու համար և ցավազրկող դեղեր ընդունելը, մարդկանց մեծ մասի մոտ մի քանի օրվա կամ շաբաթվա ընթացքում թեթևացնում է ախտանիշները:

Դեղորայքային բուժում

• Սովորական ցավազրկողներ. եթե ձեր ցավը թեթևից մինչև չափավոր է, ձեր բժիշկը կարող է խորհուրդ տալ ցավազրկող դեղամիջոցներ, որոնք հասանելի են առանց դեղատոմսի, ինչպիսիք են Ացետամինոֆենը (Պարացետամոլ, Թայլենոլ և այլն), Իբուպրոֆենը (Ադվիլ, Մոտրին IB և այլն) կամ Նապրոքսեն նատրիումը (Ալեվե):
• Նեյրոպաթիկ դեղամիջոցներ. այս դեղերն ազդում են նյարդային ազդանիշների վրա՝ ցավը նվազեցնելու համար: Դրանք ներառում են Գաբապենտին (Գրալիսե, Հորիզանտ, Նեյրոնտին), Պրեգաբալին (Լիրիկա), Դուլոքսետին (Ցիմբալտա, Դրիզալմա Սպրինկլ) կամ Վենլաֆաքսին (Էֆֆեքսոր XR):
• Մկանային ռելաքսանտներ. ձեզ կարող են դրանք նշանակվել, եթե ունեք մկանային կծկանք (սպազմ): Քնաբեր ազդեցությունը և գլխապտույտը ավելի հաճախ հանդիպող կողմնակի ազդեցություններից են:
• Կորտիզոնի ներարկումներ. Եթե ձեր ցավը չի բարելավվում բերանային (օրալ) դեղամիջոցներով, ձեր բժիշկը կարող է խորհուրդ տալ կորտիկոստերոիդ, որը կարող է ներարկվել ողնաշարից դուրս եկող նյարդերի շրջակայքում: Ողնաշարի պատկերային հետազոտությունը կարող է օգնել ասեղի ուղղորդմանը:
• Օփիոիդներ. օփիոիդների կողմնակի ազդեցությունների և կախվածություն առաջացնելու հավանականության պատճառով շատ բժիշկներ վարանում են դրանք նշանակել սկավառակի ճողվածքի համար: Եթե այլ դեղամիջոցները չեն թեթևացնում ձեր ցավը, ձեր բժիշկը կարող է դիտարկել օփիոիդների կարճաժամկետ օգտագործումը, ինչպիսիք են Կոդեինը կամ Օքսիկոդոն-աԱցետամինոֆեն համակցությունը (Պերկոցետ, Օքսիցետ): Քնաբեր ազդեցությունը, սրտխառնոցը, շփոթվածությունը և փորկապությունն այս դեղերի հնարավոր կողմնակի ազդեցություններն են:

Թերապիա (ոչ դեղորայքային բուժում)

Ձեր բժիշկը կարող է առաջարկել ֆիզիոթերապիա՝ ձեր ցավը մեղմացնելու համար: Ֆիզիոթերապևտները կարող են ձեզ ցույց տալ դիրքեր և վարժություններ, որոնք նախատեսված են ճողվածքի սկավառակի ցավը նվազագույնի հասցնելու համար:

Վիրահատական բուժում

Սկավառակի ճողվածք ունեցող քիչ թվող մարդիկ վիրահատության կարիք ունեն: Ձեր բժիշկը կարող է առաջարկել վիրահատություն, եթե ոչ վիրահատական բուժումը վեց շաբաթվա ընթացքում չի կարողանում բարելավել ձեր ախտանիշները, հատկապես, եթե դուք շարունակում եք ունենալ՝

• վատ վերահսկվող ցավ
• թմրածություն կամ թուլություն
• դժվարություն կանգնելիս կամ քայլելիս
• միզապարկի կամ աղիքների վերահսկողության կորուստ:

Գրեթե բոլոր դեպքերում վիրաբույժները կարող են հեռացնել սկավառակի միայն արտացցված հատվածը: Հազվադեպ, պետք է հեռացվի ամբողջ սկավառակը: Այս դեպքերում կարող է անհրաժեշտ լինել ողների միաձուլում ոսկրային պատվաստման միջոցով:

Ոսկրերի սերտաճման գործընթացը թույլ տալու համար, որը տեւում է ամիսներ, ողնաշարի մեջ տեղադրվում է մետաղական սարքավորում՝ ապահովելու ողնաշարի կայունությունը: Հազվադեպ, ձեր վիրաբույժը կարող է առաջարկել արհեստական սկավառակի տեղադրում: