Հիպերգլիկեմիա. կանխարգելում

Հիպերգլիկեմիա. կանխարգելում

Այս խորհուրդները կարող են օգնել, որ ձեր արյան շաքարի մակարդակը կայուն կերպով պահեք թիրախային միջակայքում:

  • Հետևե՛ք ձեր դիաբետի սննդակարգին. եթե ստանում եք ինսուլին կամ ներքին ընդունման որևէ հակադիաբետային դեղամիջոց, կարևոր է, որ պահպանեք նախաուտեստների և ճաշերի հստակ և կայուն օրակարգ ու քանակ: Հիշեք, որ ձեր ստացած սննդամթերքները պետք է հավասարակշռեն օրգանիզմում արտադրվող կամ ներարկման ձևով ստացվող ինսուլինի քանակին: Հարցրեք ձեր բժշկին կամ դիետոլոգին ձեզ համապատասխանող ամենաօգտակար և հարմար սննդակարգի մասին:
  • Վերահսկե՛ք ձեր արյան շաքարը. կախված բուժման պլանից, բժիշկը կարող է խորհուրդ տալ, որ ստուգեք ձեր արյան շաքարի մակարդակը շաբաթական մի քանի անգամ կամ օրական մի քանի անգամ: Լրջորեն հետևելը միակ տարբերակն է համոզվելու, որ ձեր արյան շաքարի մակարդակը պահպանվում է թիրախային միջակայքում: Նշում արեք և անպայման բժշկին տեղեկացրեք, եթե արյան գլյուկոզի ցուցանիշը շեղվել է այդ միջակայքից վերև կամ ներքև:
  • Ընդունե՛ք ձեր դեղամիջոցները այնպես, ինչպես նշանակել է բժիշկը. երբեք ինքնուրույն որոշումներ մի կայացրեք՝ առանց նախապես խորհրդակցելու ձեր բժշկի հետ: Եթե նշանակված դեղամիջոցների կամ դրանց դեղաչափերի վերաբերյալ ունեք որևէ կասկած կամ մտահոգություն, տեղեկացրեք այդ մասին ձեր բժշկին:
  • Տեղեկացրե՛ք բժշկին, եթե փոփոխում եք ձեր ֆիզիկական ակտիվությունը. նման իրավիճակում գուցե կարիք լինի հարմարեցնել ձեր դեղերի քանակները՝ կախված արյան շաքարի մակարդակից, ընդհանուր առողջական վիճակից և ֆիզիկական ակտիվության տեսակից ու ծանրաբեռնվածության աստիճանից:

Հոդվածը վերանայվել է՝ 09-04-2021