Ի լրումն հիվանդության մասին ձեր տագնապային խանգարման մասնագիտական բուժման, այս ինքնօգնության քայլերը կարող են օգտակար լինել:
- Աշխատեք ձեր բժշկի հետ. ձեր ընտանեկան բժշկի կամ հոգեկան առողջության մասնագետի հետ սահմանեք ձեր այցելությունների կանոնավոր ժամանակացույց՝ ձեր մտահոգությունները քննարկելու և վստահելի հարաբերություններ ստեղծելու համար: Քննարկեք ախտորոշիչ թեստերի, այլ հետազոտությունների և մասնագիտական խորհրդատվությունների ողջամիտ ցանկը: Խուսափեք տարբեր բժիշկներին դիմելուց, անհարկի շտապ օգնություն կանչելուց կամ հիվանդանոցներ այցելելուց, որոնք կարող են դժվարացնել ձեր բուժման համակարգումը և ձեզ անտեղի կրկնակի հետազոտության առիթ դառնալ:
- Կիրառեք սթրեսի կառավարման և ռելաքսացիայի մեթոդները. սթրեսի վերահսկման և ռելաքսացիայի (թուլացման) մեթոդների սովորելը և կիրառումը, ինչպիսին է մկանների հարաճուն թուլացումը, կարող է օգնել անհանգստության մեղմացմանը:
- Ֆիզիկապես ակտիվացեք. աստիճանական ակտիվացման ծրագիրը կարող է հանգստացնող ազդեցություն ունենալ ձեր տրամադրության վրա, ինչպես նաև նվազեցնել ձեր անհանգստությունը և օգնել ձեր ֆիզիկական գործունեության բարելավմանը:
- Մասնակցեք միջոցառումներին. ձեր աշխատանքին, ինչպես նաև հանրային և ընտանեկան գործունեությանը ներգրավված մնալը կարող է ձեզ լրացուցիչ օգուտներ տրամադրել:
- Խուսափեք ալկոհոլից և ժամանցային (ակումբային) թմրամիջոցներից. հոգեներգործուն նյութերի օգտագործումը կարող է ավելի բարդացնել ձեր վիճակը և խանգարել բուժմանը: Զրուցեք ձեր ընտանեկան բժշկի հետ, եթե ծխելը թողնելու համար օգնության կարիք ունեք:
- Խուսափեք համացանցում հնարավոր հիվանդությունների որոնումից. առողջության մասին տեղեկատվության հսկայական քանակությունը, որը կարող է կապված լինել կան չլինել ձեր իրավիճակի հետ, կարող է առաջացնել շփոթություն և լրացուցիչ անհանգստություն: Եթե ունեք ձեզ մտահոգող ախտանիշներ, խոսեք ձեր ընտանեկան բժշկի հետ ձեր հաջորդ նշանակված հանդիպման ժամանակ:
Հոդվածը հրապարակվել է՝ 25-02-2023
Վերջին վերանայում՝ 23-04-2024