Skip to main content

Բուժման նպատակն է օգնել ձեզ վերահսկելու ձեր առողջության հետ կապված անհանգստությունը և բարելավելու ձեր առօրյա կյանքում գործելու կարողությունը:

Հոգեթերապիան (փսիխոթերապիա), որը նաև կոչվում է խոսքի թերապիա, կարող է օգտակար լինել հիպոխոնդրիայի ախտանիշների հաղթահարման համար: Երբեմն բժիշկը կարող է ավելացնել դեղեր ավելացվել:

Հոգթերապիա

Մարմնական (ֆիզիկական) զգացողությունները կարող են կապված լինել հուզական մտահոգության և առողջության վերաբերյալ անհանգստության հետ, ուստի հոգեթերապիան, մասնավորապես՝ կոգնիտիվ վարքաբանական թերապիան (ԿՎԹ) կարող է արդյունավետ բուժում լինել: ԿՎԹ-ն օգնում է ձեզ, որ սովորեք հիվանդության մասին տագնապային խանգարումը կառավարելու հմտություններ և գտնեք ձեր մտահոգությունները վերահսկելու տարբեր եղանակներ:

ԿՎԹ կարող է օգնել, որ դուք՝

  • բացահայտեք ծանր առողջական խնդիր կամ հիվանդություն ունենալու վերաբերյալ ձեր վախերն ու համոզմունքները
  • սովորեք ձեր մարմնական զգացողությունները գնահատելու այլընտրանքային եղանակներ՝ ձգտելով փոփոխել ոչ օգտակար մտքերը
  • ավելի լավ հասկանաք, թե ինչպես են ձեր անհանգստությունները ազդում ձեր ինքնազգացողության և վարքագծերի վրա
  • փոխեք ձեր մարմնական զգացողություններին և ախտանիշներին արձագանքելու ձևը
  • սովորեք անհանգստությունն ու սթրեսը հաղթահարելու և հանդուրժելու հմտությունները
  • նվազեցնեք արտաքին (ֆիզիկական) զգացողությունների պատճառով իրավիճակներից և գործողություններից խուսափելը
  • նվազեցնեք հիվանդության նշանների համար հաճախակի ստուգվելու և բազմակի հավաստիացում ստանալու վարքագիծը
  • բարելավեք առօրյա գործունեությունը տանը, աշխատավայրում, հարաբերություններում և տարբեր իրավիճակներում
  • օգնել ձեզ, որ հաղթահարեք հոգեկան առողջության այլ խանգարումները, ինչպիսին է դեպրեսիան:

Այլ թերապիաները, ինչպիսիք են սթրեսի վարքաբանական կառավարումը և ազդեցության թերապիան, նույնպես կարող են օգտակար լինել:

Դեղորայքային բուժում

Հակադեպրեսանտները, ինչպիսիք են սերոտոնինի ետզավթման ընտրողական արգելակիչները կամ ինհիբիտորները (ՍԵԸԱ), կարող են օգնել ավելորդ անհանգստության մեղմացմանը: Բժիշկը նաև կարող է նշանակել դեղորայքային բուժում, եթե ունեք տրամադրության կամ տագնապային խանգարումներ:

Զրուցեք ձեր բժշկի հետ դեղամիջոցների տարբերակների և դրանց հնարավոր կողմնակի ազդեցությունների և ռիսկերի մասին:

Հոդվածը հրապարակվել է՝ 25-02-2023
Վերջին վերանայում՝ 07-04-2024