Բարդություններ - Հիպոտենզիա

Հիպոտենզիայի վտանգավորությունը կախված է ինչպես արյան ճնշման նվազման չափից, այնպես էլ անկման արագությունից:

Եթե հիպոտենզիան զարգանում է որոշ ժամանակի ընթացքում, օրգանիզմը հասցնում է որոշակիորեն հարմարվել նոր պայմաններին և ախտանիշներն էլ զարգանում են դանդաղորեն: Հակառակ սրան, արյան ճնշման կտրուկ անկումը կարող է բերել կոլապսի:

Ցածր արյան ճնշման նույնիսկ չափավոր ձևերը կարող են առաջացնել գլխապտույտ, թուլություն, ուշագնացություն և երբեմն դառնալ վայր ընկնելիս վնասվածքներ ստանալու պատճառ:

Ծանր հիպոտենզիան կարող է ուղեկցվել հյուսվածքային սուր թթվածնաքաղցով (հիպօքսիա), որը կարող է հանգեցնել սրտի և գլխուղեղի վնասման: