Ախտանիշներ - Աղիների բորբոքային հիվանդություն

Աղիների բորբոքային հիվանդության ախտանիշները տարբեր են՝ կախված բորբոքման ծանրության աստիճանից և տեղակայումից:

Ախտանիշները կարող են լինել սկսած թեթևից մինչև ծանր: Դուք, ամենայն հավանականությամբ, կունենաք ակտիվ հիվանդության շրջաններ (ռեցիդիվ կամ ախտադարձ), որոնց հաջորդում են ռեմիսիայի շրջանները (ախտադադար):

Գանգատներն ու ախտանիշները, որոնք ընդհանուր են Կրոնի հիվանդության և խոցային կոլիտի համար, ներառում են հետևյալը՝

• փորլուծություն
• հոգնածություն
• որովայնային ցավ և կծկանքներ
• արյուն կղանքում
• ախորժակի նվազեցում
• չնախատեսված քաշի կորուստ:

Ե՞րբ դիմել բժշկին

Այցելեք ձեր բժշկին, եթե զգում եք ձեր աղիների սովորույթների մշտական փոփոխություն կամ եթե ունեք աղիների բորբոքային հիվանդության գանգատներից և ախտանիշներից որևէ մեկը: Աղիների բորբոքային հիվանդությունը սովորաբար մահացու չէ, սակայն ծանր հիվանդություն է, որը որոշ դեպքերում կարող է առաջացնել կյանքին սպառնացող բարդություններ: