Գրադարան
Երիկամային հիվանդություն. բուժում
1 րոպե
Երիկամային որոշ հիվանդություններ բուժելի են, որոշները՝ ոչ։
Բոլոր դեպքերում, կան միջոցներ, որոնք կարող են մեղմացնել ախտանիշները և որոշ չափով բարելավել ինքնազգացողությունը։
Եթե ունեք որևէ վարակ (միզուղիների վարակ կամ պիելոնեֆրիտ), ձեզ կարող են նշանակվել հակաբիոտիկներ։
Եթե ախտորոշվել է երիկամային քար, կան բուժման տարբեր մեթոդներ, ներառյալ՝ վիրահատությունը։
Երիկամային տարբեր հիվանդությունների ընթացքը մեղմացնելու և բարդությունները կանխարգելելու համար կարող են օգտակար լինել նաև մի շարք այլ բուժումներ, որոնցից են՝
- առողջ սննդակարգ
- մարմնի առողջ քաշի պահպանում
- ծխելու դադարեցում, եթե ծխող եք
- բարձր արյան ճնշման, դիաբետի, բարձր խոլեսթերինի և այլ հիվանդությունների պատշաճ կառավարում ու բուժում։
Երբ երիկամային հիվանդության բուժումը սկսվում է բավականին վաղ, հիվանդության հարաճուն զարգացման զսպումը և երիկամների անդառնալի վնասման դանդաղեցումը դառնում են ավելի հավանական։
Երիկամային անբավարարություն զարգանալիս բուժումը սահմանափակվում է հետևյալ երեք տարբերակներից մեկնումեկով՝
- երիկամների փոխպատվաստում, երբ վիրահատության միջոցով հիվանդ երիկամը փոխարինվում է դոնորական առողջ երիկամով
- դիալիզ, երբ հատուկ սարքերի օգնությամբ արյունը (հեմոդիալիզ) կամ օրգանիզմի այլ հեղուկները (որովայնային դիալիզ) մաքրվում են օրգանիզմում կուտոկվող նյութափոխանակության արգասիքներից և ավելցուկային հեղուկներից
- օժանդակող կամ սիմպտոմատիկ բուժում, որը երիկամային անբավարարության հետևանքների մեղմացումն է՝ առանց բուն հիվանդությունը բուժելու:
Հոդվածը տեղադրվել է՝ 02-05-2018 վերանայվել է՝ 12-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
