Ախտանիշներ - Ծնկացավ

Ծնկացավի տեղակայումը և ծանրության աստիճանը կարող են տարբեր լինել՝ կախված խնդրի պատճառներից:

Գանգատներն ու ախտանիշները, որոնք երբեմն ուղեկցում են ծնկի ցավին, ներառում են՝

• այտուց և կարկամություն, իսկ ծանր դեպքերում՝ ծնկահոդի անշարժացում
• կարմրություն և տաքություն՝ հպվելիս (տեղային ջերմություն)
• թուլություն կամ անկայունություն, երբ կարծես ձեր ծունկը ետ է մնում քայլքից
• ճրթճրթոց կամ ճռճռան ձայներ (կրեպիտացիա)
• ծունկն ամբողջությամբ ուղղելու (տարածելու) անկարողություն:

Ե՞րբ դիմել բժշկին

Զանգահարեք ձեր բժշկին, եթե դուք՝

• չեք կարող ծանրություն կրել ձեր ծնկան վրա կամ այնպիսի զգացողություն ունեք, կարծես ձեր ծունկն անկայուն է կամ տեղից դուրս է գալիս
• ունեք ծնկան շրջանի զգալի այտուց
• չեք կարողանում ամբողջությամբ տարածել կամ ծալել ձեր ծունկը
• տեսնում եք ձեր ոտքի կամ ծնկան ակնհայտ ձևափոխում (դեֆորմացիա)
• ունեք ջերմություն՝ ի լրումն կարմրությանը, ծնկաացավին և այտուցին
• ունեք ուժեղ ծնկացավ, որը կապված է վնասվածքի հետ: