Ինքնօգնություն - Լյուիի դեմենցիա

Լյուիի մարմնիկներով դեմենցիա ունեցող մարդկանց ախտանիշները և հիվանդության զարգացման արագությունը տարբերվում են:

Ուստի, խնամողներին և ընտանիքի անդամներին կարող է անհրաժեշտ լինել հետևյալ խորհուրդների անհատական հարմարեցումներ:

• Խոսեք պարզ և հստակ. պահպանեք աչքերի շփումը և խոսեք դանդաղ, պարզ նախադասություններով և խուսափեք շտապ պատասխանելուց: Միանգամից ներկայացրեք միայն մեկ միտք կամ հրահանգ: Օգտագործեք ժեստեր և ազդանշաններ, օրինակ՝ մատնացույց անելով առարկաները:
• Խրախուսեք ֆիզիկական ակտիվությունը կամ վարժանքները. դրանք կարող են նպաստել ֆիզիկական գործունեության և վարքի բարելավմանը, ինչպես նաև դեպրեսիայի մեղմացմանը: Որոշ հետազոտություններ ցույց են տալիս, որ դեմենցիա ունեցող մարդկանց մոտ վարժանքները կարող է դանդաղեցնել ճանաչողական (կոգնիտիվ) անկումը:
• Առաջարկեք մտածողությունը խթանող իրավիճակներ. որոշ խաղերին, պարզ խաչբառների լուծմանը և այլ զբաղմունքներին մասնակցելը կարող է դանդաղեցնել մտավոր անկումը դեմենցիա ունեցող մարդկանց մոտ: Խրախուսեք գեղարվեստական և ստեղծագործական գործունեությունը, ինչպիսիք են նկարելը, երգելը և այլն:
• Ստեղծեք սոցիալական գործունեության համար հնարավորություններ. խոսեք ընկերների հետ: Մասնակցեք կրոնական ծեսերին կամ ընտանեկան հավաքներին:
• Մշակեք քնելուն նախորդող ծեսեր. գիշերները վարքագծային խնդիրները կարող են վատթարանալ: Մշակեք քնելուց առաջ ուղեղը հանգստացնող իրավիճակներ: Վառ թողեք գիշերային լույսերը՝ ապակողմնորոշումը կանխելու համար:

Սահմանափակեք օրվա ընթացքում կոֆեին պարունակող ըմպելիքների օգտագործումը։ Խուսափեք ցերեկները ննջելուց և առաջարկեք զբաղմունքներ ցերեկային գործունեության համար: Սա կարող է օգնել գիշերային անհանգստության կանխարգելմանը:

Այլընտրանքային բժշկություն

Հիասթափությունն ու անհանգստությունը կարող են վատթարացնել դեմենցիայի ախտանիշները: Հոգեկան լարվածությունը թուլացնելուն կարող են օգնել հետևյալ միջոցները՝

• երաժշտական թերապիա, որը ներառում է հանգստացնող երաժշտության լսում
• տնային կենդանիներով թերապիա, քանի որ տնային կատուները կամ շները կարող են բարելավել դեմենցիայով մարդկանց տրամդրությունը և վարքագծերը
• արոմաթերապիա, որն օգտագործում է բուրավետ բուսական յուղեր
• մերսումային թերապիա: