Նկարագիր - Լյուիի դեմենցիա

Լյուիի մարմնիկներով դեմենցիան Ալցհեյմերի հիվանդությունից հետո դեմենցիայի (թուլամտության) երկրորդ ամենատարածված տեսակն է:

Այս հիվանդության ժամանակ գլխուղեղի նյարդային բջիջներում զարգանում են սպիտակուցային կուտակումներ, որոնք կոչվում են Լյուիի մարմնիկներ: Սպիտակուցային կուտակումներն ազդում են գլխուղեղի այն շրջանների վրա, որոնք ներգրավված են մտածողության, հիշողության և շարժումների մեջ: Այս վիճակը հայտնի է նաև որպես Լյուիի մարմնիկներով դեմենցիա:

Լյուիի մարմնիկներով դեմենցիան առաջացնում է մտավոր ունակությունների անկում, որը ժամանակի ընթացքում աստիճանաբար խորանում է: Լյուիի մարմնիկներով դեմենցիա ունեցող մարդիկ կարող են տեսնել այնպիսի բաներ, որոնք իրականում գոյություն չունեն: Սա հայտնի է որպես տեսողական ցնորքներ (հալյուցինացիաներ): Նրանք նաև կարող են ունենալ ուշադրության կենտրոնացման և զգոնության խնդիրներ:

Լյուիի մարմնիկներով դեմենցիա ունեցող մարդիկ կարող են զգալ Պարկինսոնի հիվանդության ախտանիշներ՝ մկանային կարկամություն (ռիգիտություն), շարժումների դանդաղում, քայլելու խնդիրներ և տրեմոր (դող):