Ախտանիշներ - Օլիգոսպերմիա

Սպերմատոզոիդների ցածր քանակի հիմնական գանգատը հայրանալու անունակություն է (կոչվում է տղամարդու անպտղություն):

Սպերմատոզոիդների ցածր քանակի առկայությունը կարող է որևէ այլ ակնհայտ գանգատ կամ նշան չդրսևորել: Որոշ տղամարդկանց մոտ հիմքում ընկած խնդիրը, ինչպիսին է ժառանգական քրոմոսոմային արատները, հորմոնային անհավասարակշռությունը, ամորձիների լայնացած երակները (վարիկոցելե) կամ մի վիճակ, որն արգելափակում է սպերմատոզոիդների տեղաշարժը, կարող է առաջացնել գանգատներ և ախտանիշներ:

Սպերմատոզոիդների ցածր քանակի ախտանիշները կարող են ներառել՝

• սեռական գործառույթի հետ կապված խնդիրներ, օրինակ՝ ցածր սեռական ցանկություն (լիբիդո) կամ էրեկցիայի պահպանման դժվարություն (էրեկտիլ դիսֆունկցիա)
• ամորձու շրջանի ցավ, այտուց կամ ուռածություն
• դեմքի կամ մարմնի մազածածկույթի նվազում կամ քրոմոսոմային կամ հորմոնային շեղման այլ նշաններ:

Ե՞րբ դիմել բժշկին

Այցելեք բժշկին, եթե դուք չեք կարողացել երեխա բեղմնավորել մեկ տարի կանոնավոր, անպաշտպան սեռական հարաբերությունից հետո կամ ավելի վաղ, եթե ունեք հետևյալ ախտանիշներից որևէ մեկը՝

• էրեկցիայի կամ սերմնաժայթքման խնդիրներ, ցածր սեռական ցանկություն կամ սեռական գործառույթի հետ կապված այլ խնդիրներ
• ցավ, անհանգստություն, ամորձիների հատվածում գոյացություն կամ այտուց
• ամորձիների, շագանակագեղձի կամ սեռական խնդիրների պատմություն
• աճուկի, ամորձու, առնանդամի կամ ամորձապարկի (փոշտի) վիրահատություն: