Բուժում - Արական անպտղություն

​Հաճախ անպտղության ճշգրիտ պատճառը հնարավոր չէ գտնել:

Նույնիսկ եթե հստակ պատճառը պարզ չէ, ձեր բժիշկը կարող է առաջարկել բուժում կամ միջամտություններ, որոնք կօգնեն կնոջ բեղմնավորմանը:

Անպտղության դեպքում խորհուրդ է տրվում ստուգել նաև կին զուգընկերոջը։ Ձեր զուգընկերոջ համար կարող է առաջարկվել հատուկ բուժում: Կամ, դուք կարող եք իմանալ, որ ձեր իրավիճակում օժանդակ վերարտադրողական տեխնոլոգիային դիմելը տեղին է:

Տղամարդկանց անպտղության բուժումը ներառում է հետևյալը:

• Վիրահատություն. օրինակ, վարիկոցելեն հաճախ կարելի է վիրահատական ճանապարհով շտկել կամ խցանված սերմնալարը վերականգնել: Նախորդ վազէկտոմիաները կարելի է չեղարկել: Այն դեպքերում, երբ սերմնահեղուկում սպերմատոզոիդները բացակայում են, հաճախ դրանք կարելի է ստանալ անմիջապես ամորձիներից կամ մակամորձուց՝ օգտագործելով սերմնաբջիջների ստացման մեթոդներ:
• Վարակների բուժում. հակաբիոտիկային բուժումը կարող է վերացնել սերմնաուղիների վարակը, բայց միշտ չէ, որ նույնիսկ հաջող բուժումից հետո պտղաբերությունը վերականգնում է:
• Սեռական հարաբերության հետ կապված խնդիրների բուժում. դեղամիջոցները կամ խորհրդատվությունը կարող են օգնել բարելավելու պտղաբերությունն այնպիսի հիվանդությունների դեպքում, ինչպիսիք են էրեկտիլ դիսֆունկցիան կամ վաղաժամ սերմնաժայթքումը:
• Հորմոնային բուժում և դեղամիջոցներ. ձեր բժիշկը կարող է խորհուրդ տալ հորմոնների փոխարինում կամ դեղամիջոցներ այն դեպքերում, երբ անպտղությունը պայմանավորված է որոշակի հորմոնների բարձր կամ ցածր մակարդակներով կամ օրգանիզմի կողմից հորմոնների օգտագործման հետ կապված խնդիրներով:
• Օժանդակ վերարտադրողական տեխնոլոգիա (ՕՎՏ): ՕՎՏ բուժումը ներառում է սպերմատոզոիդների ստացում նորմալ սերմնաժայթքման, վիրահատական արտահանման կամ դոնոր անհատներից՝ կախված ձեր կոնկրետ դեպքից և ցանկությունից: Այնուհետև սպերմատոզոիդները տեղադրվում են կանանց սեռական ուղու մեջ կամ օգտագործվում են արտամարմնային բեղմնավորման (ԱՄԲ) կամ սպերմատոզոիդների ներցիտոպլազմիկ ներարկման համար:

Երբ բուժումը չի օգնում

Հազվադեպ տղամարդու պտղաբերության խնդիրները չեն կարող բուժվել, և այլևս անհնար է, որ նա երեխա ունենա: Ձեր բժիշկը կարող է առաջարկել, որ դուք և ձեր զուգընկերը մտածեք դոնորային սպերմատոզոիդներ օգտագործելու կամ երեխա որդեգրելու մասին: