Գրադարան
Առատ դաշտան. ախտանիշներ
1 րոպե
Մենոռագիան կամ առատ դաշտանը տարբեր կանանց մոտ կարող է ընթանալ տարբեր կլինիկական նշաններով:
Մենոռագիայի նշաններն ու ախտանիշները կարող են ներառել՝
- մեկ կամ մի քանի հիգիենիկ (կանացի) միջադիրների կամ տամպոնների ամբողջովին լցվելն ամեն ժամ՝ մի քանի ժամ անընդմեջ
- դաշտանային հոսքը հսկելու համար կրկնակի հիգիենիկ պաշտպանության միջոցի օգտագործման անհրաժեշտություն
- գիշերվա ընթացքում հիգիենիկ պաշտպանության միջոցը փոխելու համար արթնանալու կարիք
- ավելի քան մեկ շաբաթ տևող արյունահոսություն
- սովորականից ավելի մեծ չափի արյան մակարդուկների հոսում
- առօրյա գործերի սահմանափակում՝ առատ դաշտանային հոսքի պատճառով
- անեմիայի ախտանիշներ, ինչպիսիք են հոգնածությունը, թուլությունը կամ հևոցը:
Ե՞րբ դիմել բժշկին
Մինչև ձեր հերթական բժշկական այցը, դիմեք բուժօգնության, եթե՝
- հեշտոցային արյունահոսությունն այնքան ուժեղ է, որ երկու ժամից ավելի, ժամում առնվազն մեկ միջադիր կամ տամպոն լցվում է
- առկա է արյունահոսություն դաշտանների միջև կամ անկանոն հեշտոցային արյունահոսություն
- առկա է որևէ տեսակի հեշտոցային արյունահոսություն դաշտանադադարից հետո։
Հոդվածը տեղադրվել է՝ 11-04-2021 վերանայվել է՝ 14-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
