Միտրալ փականի պրոլապսը սրտի փականային հիվանդության մի տեսակ է, որն ազդում է ձախ սրտի փորոքների միջև ընկած փականի վրա:
Միտրալ կամ երկփեղկ փականի կափույրները (փեղկեր) ճկուն են։ Երբ սիրտը կծկվում է, դրանք պարաշյուտի պես ուռչում են հետ (պրոլապս)՝ դեպի սրտի ձախ վերին խոռոչ (ձախ նախասիրտ):
Միտրալ փականի պրոլապսը երբեմն հանգեցնում է փականի միջով արյան հետադարձ արտահոսքի դեպի ձախ նախասիրտ՝ մի վիճակ, որը կոչվում է միտրալ փականի ռեգուրգիտացիա (հետհոսք):
Սովորաբար, միտրալ փականի պրոլապսը կյանքին վտանգ չի ներկայացնում և չի պահանջում բուժում կամ ապրելակերպի փոփոխություն: Այնուամենայնիվ, որոշ մարդիկ կարող են դեղորայքի կամ վիրահատության կարիք ունենալ, հատկապես, եթե պրոլապսն առաջացնում է ծանր ռեգուրգիտացիա:
Միտրալ փականի պրոլապսը նկարագրելու այլ անվանումներից են՝
- Բարլոուի համախտանիշ
- կտտոց-աղմուկի համախտանիշ
- ճկուն փականի համախտանիշ
- միտրալ պրոլապս
- միտրալ փականի միքսոմատոզ հիվանդություն:
Հոդվածը հրապարակվել է՝ 17-11-2023
Վերջին վերանայում՝ 29-04-2024