Միտրալ փականի պրոլապսի գանգատներն ու ախտանշանները կապված են փականով հետ հոսող արյան քանակի հետ:
Միտրալ փականի պրոլապսի ախտանիշները կարող են տարբեր անձանց մոտ խիստ տարբերվել: Այս վիճակն ունեցող բազմաթիվ մարդիկ որևէ ախտանիշ չեն նշում: Այլ մարդիկ կարող են գանգատվել թեթև ախտանիշներից, որոնք աստիճանաբար ծանրանում են:
Միտրալ փականի պրոլապսի ախտանիշները կարող են ներառել հետևյալը՝
- արագացած կամ անկանոն սրտազարկ (առիթմիա)
- գլխապտույտ կամ ուշագնացության զգացում
- դժվարաշնչություն կամ շնչարգելություն (հևոց), հատկապես՝ ֆիզիկական ծանրաբեռնվածության ժամանակ կամ հորիզոնական պառկելիս
- հոգնածություն:
Ե՞րբ այցելել բժշկին
Եթե ունեք միտրալ փականի պրոլապսի ախտանշաններ, պայմանավորվեք ձեր բժշկի հետ արտահերթ այցի համար: Նկատի ունեցեք, որ բազմաթիվ այլ առողջական խնդիրներ կարող են առաջացնել նմանատիպ ախտանիշներ:
Եթե հանկարծակի կամ անսովոր կրծքավանդակի շրջանում ցավեր ունեք կամ կարծում եք, որ սրտամկանի ինֆարկտ եք տանում, առանց ուշացնելու զանգեք 1-03 և կանչեք շտապ օգնություն:
Եթե ձեզ մոտ ախտորոշվել է միտրալ փականի պրոլապս, դիմեք ձեր բժշկին, եթե նկատում եք ձեր ախտանիշների վատթարացում:
Հոդվածը հրապարակվել է՝ 18-11-2023
Վերջին վերանայում՝ 23-04-2024